Əsas səhifə

Hörmətli həmkarlar !

Sizi 28 May – Müstəqillik Günü münasibətilə ürəkdən təbrik edir, möhkəm cansağlığı və ölkəmizin inkiaşfı yolundakı elmi fəaliyyətinizdə yeni uğurlar arzu edirəm.

Hörmətlə,

İslam Mustafayev
Azərbaycan Respublikası Elm və Təhsil Nazirliyinin
Radiasiya Problemləri İnstitutun Baş direktoru,
AMEA-nın müxbir üzvü, professor

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) “28 May – Müstəqillik Günü”nə həsr olunmuş tədbir keçirilib.

Tədbirdə əvvəlcə Azərbaycan Respublikasının Dövlət Himni səsləndirilib, daha sonra ölkəmizin ərazi bütövlüyü uğrunda canlarından keçmiş, şəhid olmuş Vətən övladlarının əziz xatirəsi bir dəqiqəlik sükutla yad edilib.

Tədbirdə giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev 28 May – Müstəqillik Günündən bəhs edib, bu günün tarixi əhəmiyyəti, xalqımızın mübarizliyi və dövlətçilik ənənələri haqqında tədbir iştirakçılarına məlumat verib.

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) Elmi Şurasının növbəti iclası keçirilib.

Giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev Gündəlikdəki məsələləri iclas iştirakçılarının diqqətinə çatdırıb.

İclasda əvvəlcə uzun illər elmi və elmi-pedaqoji fəaliyyətlərinə görə fizika elmləri doktoru, dosent Nüşabə Hacıyeva və fizika-riyaziyyat elmləri namizədi, dosent Oktay Salamov Fəxri Fərmanla təltif edilib.

Sonra İnstitutun gənc alimləri – Rəna Atakişiyevaya “Fəlsəfə doktoru” (kimya üzrə), Rəxşanə Məmişovaya isə “Dosent” (“Radiasiya materialşünaslığı” ixtisası üzrə) diplomları təqdim olunub.

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) magistrantı Ruşanova Gülzar Mehman qızının dissertasiya işinin ilkin müzakirəsi keçirilib.

“(TlS)_1-x (TlSe)_x (x 0; 0.1, 0.2) bərk məhlullarının impedans spektrlərinə ℽ-şüaların təsiri” adlı və müsbət rəy verilmiş dissertasiya işi haqqında təqdimatla çıxış edən Gülzar Ruşanova ətraflı məlumat verib, sonda çoxsaylı sualları cavablandırıb.

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) “Bərpa olunan enerji növlərinin çevrilməsi laboratoriyası”nın rəhbəri vəzifəsini icra edən, fizika üzrə fəlsəfə doktoru, dosent Oktay Salamov Rusiya Federasiyasının Mərkəzi Kitabxanasının tərtib etdiyi reytinq siyahısına daxil edilib.

Sözügedən siyahı dünya alimlərinin “Alternativ Energetika və Ekologiya (“Альтернативная энергетика и экология” (ISJAEE))” beynəlxalq jurnalında yayımlanan məqalələrinə əsasən tərtib olunub və 53 ölkədən 2644 alimin yer aldığı siyahıda O.Salamov 25-ci yerdə qərarlaşıb.

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) əməkdaşları - fizika üzrə fəlsəfə doktoru, dosent Əminə Mikayılova və Qeys İbrahimov cənub bölgəsində yeni monitorinqlər aparıblar.

Bölgənin transsərhəd çaylarında, Biləsuvar rayonunda yerləşən Balharı su anbarında, Balharu çayında, Yardımlı rayonunda yerləşən Təkdam şəlaləsində, Masallı rayonunda yerləşən İstisuda, həmçinin Pensərçayın Astara rayonundan keçən hissəsində icra olunan monitorinqlərdə suyun tərkibində və dib çöküntülərində radioekoloji müşahidələr aparılıb, eləcə də kimyəvi tədqiqatlar üçün nümunələr götürülüb.

Azərbaycan Respublikası Elm və Təhsil Nazirliyinin Radiasiya Problemləri İnstitutu (RPİ) Azərbaycanın Milli Qəhrəmanı Mübariz İbrahimov adına Biləsuvar Bağça-Məktəb-Lisey Kompleksi ilə qarşılıqlı əməkdaşlığa dair memorandum imzalayıb.

RPİ-nin Baş direktoru, AMEA-nın müxbir üzvü, professor İslam Mustafayev, elmi katib Əminə Mikayılova, baş menecer Famin Salmanov, Təhsil şöbəsinin müdiri Nərmin Quliyeva, “İnnovativ tədqiqatlar” Qrupunun rəhbəri Namiq Heydərovdan ibarət İnstitut nümayəndə heyəti və sözügedən Kompleksin müəllim-şagird kollektivi arasında görüş keçirilib.

Görüşdə çıxış edən Biləsuvar Bağça-Məktəb-Lisey Kompleksinin icraçı direktoru Aqşin Bağırov qonaqları salamlayıb, müasir innovativ texnoloji yeniliklərin tətbiq edildiyi Kompleks haqqında məlumat verib, həmçinin nüfuzlu elm və təhsil ocaqları ilə bu cür qarşılıqlı əlaqələrin əhəmiyyətindən bəhs edib.

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) Elmi Şurasının növbəti iclası keçirilib.

Giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev Gündəlikdəki məsələləri iclas iştirakçılarının diqqətinə çatdırıb.

İclasda əvvəlcə Milli Qəhrəman Mübariz İbrahimov adına Təhsil Kompleksi ilə anlaşma memorandumu, cari ayın əvvəlində İnstitutda keçirilmiş “Radiasiya texnologiyaları və onların tətbiqləri” adlı konfransın nəticələri və yeni konfransa hazırlıq, həmçinin Azərbaycan Respublikası və Macarıstan hökumətləri arasında iqtisadi əməkdaşlıq üzrə Birgə Komissiyanın 9-cu iclasının Protokolunun təhsil və elm sahəsində əməkdaşlıq bölməsinin müvafiq müddəalarının icrasının təmin edilməsi haqqındakı məsələlərə baxılıb.

Ümummilli Lider Heydər Əliyevin 100 illik yubileyi ilə əlaqədar Azərbaycan Respublikasının Elm və Təhsil Nazirliyinin Radiasiya Problemləri İnstitutunun (RPİ) rəhbərliyi və çoxsaylı kollektivi Fəxri xiyabanda Ulu Öndərin məzarını ziyarət edib, məzarı önünə gül dəstələri qoyub.

Dahi şəxsiyyət Heydər Əliyevin xatirəsi dərin hörmət və ehtiramla anılıb.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Ulu öndər Heydər Əliyevin anadan olmasının 100 illiyinə həsr olunmuş "Radiasiya texnologiyaları və onun tətbiqləri" adlı Respublika elmi-texniki konfransı keçirilib. Konfransın sonunda Azərbaycan Milli Elmlər Akademiyasının (AMEA) vitse-prezidenti, akademik Rasim Əliquliyev, Azərbaycan Respublikası Elm və Təhsil nazirinin müşaviri Nicat Məmmədli, Azərbaycan Memarlıq və İnşaat Universitetinin prorektoru, professor Nigar Aslanova və digər qonaqlar RPİ-nin laboratoriyalarında aparılan tədqiqatlarla tanış olublar.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Ulu öndər Heydər Əliyevin anadan olmasının 100 illiyinə həsr olunmuş "Radiasiya texnologiyaları və onun tətbiqləri" adlı Respublika elmi-texniki konfransı keçirilir.

Konfransda əvvəlcə Azərbaycan Respublikasının Dövlət Himni səsləndirilib.

Daha sonra Ümummilli Lider Heydər Əliyevin, ölkəmizin ərazi bütövlüyü uğrunda şəhid olmuş Vətən övladlarının və qardaş Türkiyədə baş vermiş zəlzələ zamanı həyatını itirənlərin əziz xatirəsi bir dəqiqəlik sükutla yad edilib.

Tədbirdə giriş sözü ilə çıxış edən RPİ-nin Baş direktoru, AMEA-nın müxbir üzvü, professor İslam Mustafayev konfrans iştirakçılarını salamlayıb və İnstitutun yaranması tarixi, elmi fəaliyyət istiqamətləri və əldə olunmuş nailiyyətləri, kadr potensialı və beynəlxalq əməkdaşlıq əlaqələri haqqında məlumat verib.

Çıxışında müasir cihaz və avadanlıqlarla təchiz olunmuş laboratoriyaların fəaliyyətinə də toxunan İ.Mustafayev dövlət qrumları və universitetlərlə əməkdaşlıqdan danışıb, həmçinin innovativ layihələr, beynəlxalq müsabiqələr və festivallarda əldə olunmuş nailiyyətlər, beynəlxalq elmi reytinqlərdə institut alimlərinin uğurlarını diqqətə çatdırıb.

Aprelin 27-də elmi-tədqiqat üzrə birgə fəaliyyətin həyata keçirilməsinə dair Anlaşma Memorandumunun imzalanması mərasimi keçirilib.

Mərasimdə çıxış edən elm və təhsil naziri Emin Əmrullayev bildirib ki, memorandumun imzalanmasında məqsəd elmi-tədqiqat institutları və ali təhsil müəssisələrinin qarşılıqlı fəaliyyətinin təşkili, mövcud problemlərin və həll yollarının birgə müəyyənləşdirilməsidir.

Emin Əmrullayev qeyd edib ki, ilkin olaraq pilot şəkildə Bakı Dövlət Universiteti və 5 elmi-tədqiqat institutunun birgə fəaliyyətinin təşkili nəzərdə tutulub. Memorandumun beşillik imzalandığını vurğulayan nazir yekunda birgə fəaliyyətin nəticələrinin təhlil ediləcəyini və buna uyğun addımlar atılacağını diqqətə çatdırıb.

Elm və təhsil naziri əlavə edib ki, universitetlərimizin beynəlxalq reytinq göstəricilərinin yüksəldilməsi, onların elmi-tədqiqat mərkəzlərinə çevrilməsi məqsədlər sırasındadır.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Ümummilli lider Heydər Əliyevin anadan olmasının 100 illiyinə həsr olunmuş “Gənc tədqiqatçı” müsabiqəsinə yekun vurulub.

İnstitutun Gənc Alim və Mütəxəssislər Şurası və Həmkarlar Təşkilatının təşkilatçılığı ilə təşkil olunmuş müsabiqənin mükafatlandırma tədbirində çıxış edən RPİ-nin Baş direktoru, AMEA-nın müxbir üzvü, professor İslam Mustafayev iştirakçıların müsabiqəyə təqdim etdiyi tədqiqat işləri ilə tanış olub və onlara uğurlar arzulayıb.

Azərbaycan Respublikası Elm və Təhsil Nazirliyinin Radiasiya Problemləri İnstitutunda görkəmli oftalmoloq alim, akademik Zərifə Əliyevanın anadan olmasının 100-cü ildönümünə həsr olunmuş tədbir keçirilib.

Tədbirdə giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev həkim peşəsini vicdanla yerinə yetirən Zərifə xanım Əliyevanın insanların sağlamlığının qorunmasında və xəstəliklərin qarşısının alınmasında göstərmiş olduğu səylərə toxunaraq onun həmvətənlərinin qayğısına qalan, milli-mənəvi və yüksək əxlaqı dəyərləri varlığında təcəssüm etdirən, eləcə də bütün türk dünyasında, müsəlman aləmində qadınlığa örnək, humanist bir insan olduğunu diqqətə çatdırıb.

İ.Mustafayev insanlara nur bəxş etmək missiyası, qayğıkeşliyi və nəcibliyi ilə könüllərdə özünə əbədi yer qazanmış Zərifə xanım Əliyevanı həm elmi fəaliyyətində böyük uğurlar qazanmış görkəmli alim, həm də öz fərdi keyfiyyətləri ilə ailəsinin və Vətəninin adını ucaldan şəxsiyyət kimi səciyyələndirib. Həmçinin, görkəmli alimin bütün insani keyfiyyətləri ilə əsl Azərbaycan qadınının ideal obrazını yaratdığını bildirən İ.Mustafayev onun əziz xatirəsinin tanınmış həkim, novator alim, eyni zamanda qayğıkeş ana, sədaqətli ömür-gün yoldaşı kimi daim qəlblərdə yaşadığını qeyd edib.