Xəbərlər

Azərbaycan Respublikası Elm və Təhsil Nazirliyinin Radiasiya Problemləri İnstitutu qardaş Türkiyədə baş verən zəlzələdə zərərçəkənlərə kömək məqsədilə yardım kampaniyasına qoşulub. Belə ki, İnstitutun kollektivi ianə formasında toplanan pul vəsaiti “Ziraat Bank”da təbii fəlakətlə bağlı Türkiyənin Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD) bank hesabına köçürüb.

Qeyd edək ki, İnstitutun bir qrup əməkdaşı tərəfindən toplanan humanitar yardımlar isə Bakı şəhərindəki yardım toplama məntəqəsinə çatdırılıb.

Radiasiya Problemləri İnstitutu qardaş Türkiyə xalqının yaşadığı bu dərin faciə zamanı həlak olanlara Allahdan rəhmət, doğmalarına və yaxınlarına dərin hüznlə başsağlığı verir, yaralılara Allahdan şəfa diləyir.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.