Xəbərlər

Azərbaycan Milli Elmlər Akademiyasının (AMEA) Radiasiya Problemləri İnstitutunda (RPİ) yaradılmış “Arxeoloji tapıntıların tarixləndirilməsi qrupu” yaştəyini ilə bağlı aparılan tədqiqatlarda yeni nəticə əldə etmişdir.

Belə ki, İnstitutun kiçik elmi işçisi Aybəniz Əhədova Cəlilabad rayonunda yerləşən "Polutəpə" qədim yaşayış məskənindən götürülmüş kömür parçasının yaşını Radiokarbon metodu ilə təyin etmiş və nəticə olaraq həmin kömürün eramızdan əvvəl 4600-cü ilə aid olduğunu sübut etmişdir.

Qeyd edək ki, qrup tərəfindən aparılan tədqiqatlarda arxeoloji tapıntıların tarixləndirilməsi 3 müxtəlif metodla (radiokarbon, elektron paramaqnit rezonans və termolüminessensiya metodları) aparılır və tapıntıların yaşı təyin olunur.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.