İçindəki
Xəbərlər
İnstitutda Elmi Şuranın növbəti iclası keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunun Elmi Şurasının növbəti iclası keçirilib.
İclasda giriş sözü ilə çıxış edən RPİ-nin Baş direktoru, AMEA-nın müxbir üzvü, professor İslam Mustafayev Gündəlikdəki məsələləri iclas iştirakçılarının diqqətinə çatdırıb.
İclasda əvvəlcə Azərbaycan Respublikası Elmi Tədqiqatların Əlaqələndirilməsi Şurası üçün “Dissertasiya mövzularının reyestri” sisteminin istifadəyə verilməsi, həmçinin 2021-2025-ci illərdə aparılacaq beşillik elmi-tədqiqat işlərinin mövzu planının təsdiqi, 2022-ci il üçün AMEA-da aparılacaq elmi tədqiqat işlərinin planlaşdırılması və RPİ-nin strukturundakı dəyişiklik haqqında məsələlərə baxılıb.
Sonra İnstitutun 2021-ci il üçün hesabatı dinlənilib.
Daha sonra iclasda RPİ üzrə laboratoriya rəhbəri vəzifəsinə seçki müsabiqəsində iştirak edəcək iştirakçıların sənədlərinə baxış məqsədi ilə Müsabiqə komissiyasının yaradılması, RPİ-nin “Radiasiya tədqiqatları” və “Radiation researches” jurnalının çapa hazırlanan yeni sayı üçün məqalə təminatı və İnstitut üzrə əmək intizamı məsələləri ətrafında müzakirələr aparılıb.
İclasın sonunda İnstitut üzrə digər elmi-təşkilati məsələlərə baxılıb.
Qeyd edək ki, İnstitutun Elmi Şurasının iclasları COVİD-19 pandemiyası ilə mübarizə tədbirləri (sosial məsafə və tibbi maskalardan istifadə) diqqətə alınaraq keçirilir.
© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.