Xəbərlər

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Azərbaycanın Milli Qəhrəmanı Mübariz İbrahimov adına Biləsuvar Bağça-Məktəb-Lisey Kompleksinin müəllim və şagird kollektivinin nümayəndələri ilə görüş keçirilib.

Qarşılıqlı əməkdaşlığa dair Memorandum əsasında “Sabahın alimləri” Respublika müsabiqəsinə hazırlanan layihələr üzrə Liseyin şagirdlərinə İnstitutun alimləri tərəfindən elmi dəstəyin göstərilməsi məqsədi ilə keçirilən görüşdə sözügedən Liseyin müəllimləri - Siyasət İsayev və Şahmar Bayramov, həmçinin 11-ci sinif şagirdləri - Elmir Əlizadə, Kəmalə Quliyeva, Lamiyyə Babazadə və Toğrul Mehdiyev, eyni zamanda Radiasiya Problemləri İnstitutunun Baş direktoru, AMEA-nın müxbir üzvü, professor İslam Mustafayev, İnstitutun elmi katibi Əminə Mikayılova, Təhsil şöbəsinin müdiri Nərmin Quliyeva, layihələrin hazırlanmasına dəstək olan İnstitut alimləri - fizika-riyaziyyat elmləri doktoru, professor Rəhim Mədətov, Maqsud Nəzərov, eləcə də layihələrin hazırlanmasına rəhbərlik edən Namiq Heydərov iştirak edib.

     AR ETN-nin Radiasiya Problemləri İnstitutunda ümummilli lider cənab H.Əliyevin anım mərasimi keçirilmişdir. Mərasim Azərbaycan Respublikasının himni ilə başlamış, sonra ulu öndər H.Əliyevin əziz xatirəsi bir dəqiqəlik sükutla yad edilmişdir. Mərasimi giriş sözü ilə açan institutun baş direktoru, AMEA-nın m.ü. İ.Mustafayev cənab H.Əliyevin 20 il bundan öncə cismən bizi tərk etsə də, onun ideyalarının bu gün də yaşadığından, müstəqil respublikamızın ümummilli liderin qoyduğu dayaqlar üzərində gün-gündən daha da möhkəmləndiyindən, Ali Baş Komandanın ulu öndərin vəsiyyətlərini uğurla həyata keçirməyindən, “cənab H.Əliyev ili” ərəfəsində institutun keçirdiyi tədbirlərdən danışdı.

Azərbaycan Respublikası Elm və Təhsil Nazirliyinnin Radiasiya Problemləri İnstitutunda qış imtahan sessiyasının doktorluq imtahanları başa çatıb.

Belə ki, bu gün “Nüvə kimyası - 2305.01” ixtisas fənnindən doktorluq imtahan keçirilib, doktorantın biliyi «yaxşı» qiymətləndirilib.

Azərbaycan Respublikası Elm və Təhsil Nazirliyinin Radiasiya Problemləri İnstitutu (RPİ) ilə Geologiya və Geofizika İnstitutu (GGİ) arasında elmi əməkdaşlığa dair üçillik müqavilə imzalanıb.

Sözügedən sənədi Radiasiya Problemləri İnstitutunun baş direktoru, AMEA-nın müxbir üzvü, professor İslam Mustafayev və Geologiya və Geofizika İnstitutunun baş direktoru, akademik Akif Əlizadə imzalayıblar.

Qeyd edək ki, tədbirdə Radiasiya Problemləri İnstitutunun icraçı direktoru, fizika-riyaziyyat üzrə fəlsəfə doktoru, dosent Rəvan Mehdiyeva, İnstitutun elmi katibi, fizika üzrə fəlsəfə doktoru, dosent Əminə Mikayılova, “Radiokimya və Radioprotektorlar” laboratoriyasının müdiri, kimya elmləri doktoru, dosent Xaqani Məmmədov, “Radioekologiya” laboratoriyasının müdiri, fizika üzrə fəlsəfə doktoru, dosent Famil Hümbətov, “Nizamsız bərk cisimlərin radiasiya fizikası” laboratoriyasının baş elmi işçisi, fizika elmləri doktoru, dosent Elçin Hüseynov da iştirak edib.

28 noyabr 2023-cü il tarixində ETN Radiasiya Problemləri İnstitutunda Elm və Təhsil Nazirliyinin SABAH qruplarının İcra Komitəsi ilə görüş keçirilmişdir.

Görüşdə İcra Komitəsinin rəhbəri Eldar Qocayev, SABAH qrupları İcra Komitəsi rəhbərinin tədris, professor-müəllim heyəti və əməkdaşlarla iş üzrə müavini Nailə Qəhrəmanova, SABAH qrupları İcra Komitəsi rəhbərinin tələbələrlə iş üzrə müavini Sevinc Əliyeva, Bakı Dövlət Universitetinin SABAH Mərkəzinin rəhbəri İradə Süleymanova, Azərbaycan Dövlət Neft və Sənaye Universitetinin SABAH Mərkəzinin rəhbəri Arzu İbrahimova, Azərbaycan Texniki Universitetinin SABAH Mərkəzinin rəhbəri Aytən Sadıqova, Radiasiya problemləri İnstitutunun baş direktoru, AMEA-nın m.ü. İ. Mustafayev, icraçı direktoru R. Mehdiyeva, laboratoriya rəhbərləri, k.e.d., professor M. Qurbanov, k.e.d. X. Məmmədov, İnnovativ Tədqiqatlar qrupunun rəhbəri N. Heydərov, əməkdaşlar İ. Nuriyev, M. Nəzərov, gənc elmlər doktoru E. Hüseynov iştirak etmişlər.

28 noyabr 2023-cü il tarixində Elm və Təhsil Nazirliyinin Radiasiya Problemləri İnstitutunda növbəti elmi seminar keçirilmişdir. Seminarda İnstitutun doktorantı Orucova Xəyalə Bəybala qızının “Tlİn_1-xC_xS₂ kristallarının dielektrik və elektrik xassələrinə ionlaşdırıcı şüalanmanın təsiri” mövzusunda məruzəsi dinlənilmişdir.

Azərbaycan Respublikasının Elm və Təhsil Nazirliyinin Radiasiya Problemləri İnstitutunda (RPİ) gənclər üçün təlim keçirilib.

28 noyabr tarixində İnstitutun Gənc Alim və Mütəxəssislər Şurasının təşkilatçılığı ilə “AZSTANDLAB” MMC tərəfindən təşkil olunmuş “Laboratoriya işlərinin aparılması zamanı İSO standartları ( İSO 9001, İSO 45001, İSO 14001 və İSO 17025) üzrə olan tələblərə uyğunluğunun təmin edilməsi” mövzusunda keçirilən təlimdə məruzəçi Elsevər Həmidov gənclərin laboratoriyada işləmə qaydaları, cihazların dərəcələnməsi, sazlanması, onların laboratoriya cihazlarına davranışları haqqında geniş məruzə ilə çıxış edib.

27 noyabr 2023-cü il tarixində Elm və Təhsil Nazirliyinin Radiasiya Problemləri İnstitutunda növbəti elmi seminar keçirilmişdir. Seminarda AR ETN-nin Fizika İnstitutunun dissertantı Xəlilova Kəmalə Həzrətqulu qızının “TlİnTe₂ birləşməsində aşqarlanmanın yaratdığı nöqtəvi defektlərin kristalın radiasiya davamlığına təsiri”mövzusunda çıxışı dinlənilmişdir.

Azərbaycan Respublikasının Elm və Təhsil Nazirliyinin Radiasiya Problemləri İnstitutunda (RPİ) Elmi Şuranın 20-27 noyabr tarixlərində keçirilmiş iclasları 2023-cü ildə yerinə yetirilmiş elmi-tədqiqat işlərinin müzakirəsinə həsr olunmuşdur.

Hesabatı giriş sözü ilə açan İnstitutun Baş direktoru, AMEA-nın müxbir üzvü, professor İslam Mustafayev iştirakçılara bildirib ki, 2023-cü ildə İnstitut əməkdaşları elmin 4 istiqamətində 13 mövzu üzrə apardığı tədqiqatlarda 30-a qədər mühüm nəticə almışlar. Bundan başqa dövlət tapşırıqları üzrə bir neçə tədqiqat işləri aparılmışdır. İşğaldan azad olunmuş ərazilərdə radioekoloji tədqiqatların nəticələri, yüksək həssaslığa malik radiasiya detektorlarının hazırlanması, radiasiyanın bioloji orqanizmlərə təsiri, nanokompozitlərin alınması, azkarbonlu radiasiya-kimyəvi proseslər və s. kimi uğurlu nəticələr vardır.

Giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev Gündəlikdəki məsələləri iclas iştirakçılarının diqqətinə çatdırıb.

İclasda əvvəlcə İnstitutun əməkdaşları Vəlicanova Mehriban və Axundzadə Hacıvahidə “Fəlsəfə doktoru” diplomları təqdim olunub. Sonra 2023-cü il üçün qış imtahan sessiyasında doktorluq imtahanlarının keçirilməsi, İnstitutun 2023-cü il üçün Fəaliyyət Planının müzakirəsi, yerinə yetirilməmiş fəaliyyətlərin planlaşdırılması, 2023-cü il üçün illik hesabata hazırlıq və mühüm elmi nəticələri haqqında məsələlərə baxılıb.

Hörmətli həmkarlar!

Biz xoşbəxtik ki, əzəli və əbədi yurd yerlərimizin düşmən tapdağından azad olunmasını, Vətənin ərazi bütövlüyünü müjdələyən 8 Noyabr – Zəfər Gününü milli birlik və həmrəylik içində qeyd edirik. Biz həm də xoşbəxt bir nəsilik ki, müstəqil Azərbaycanda yaşayırıq və bu sevincli, qələbə dolu günlərə, bayramlara şahidlik edirik.

Müzəffər Ali Baş Komandanımızın uğurlu siyasəti və rəşadətli Azərbaycan Silahlı Qüvvələrinin qəhrəmanlığı sayəsində qazanılan tarixi Zəfərin üçüncü ildönümü 8 Noyabr – Zəfər Günü münasibətilə Sizi səmimi qəlbdən təbrik edir, ölkəmizin inkişafı naminə elmi fəaliyyətinizdə uğurlar arzulayıram.
Yaşasın Azərbaycan! Qarabağ Azərbaycandır!

İslam Mustafayev
Azərbaycan Respublikası Elm və Təhsil Nazirliyinin
Radiasiya Problemləri İnstitutunun Baş direktoru,
AMEA-nın müxbir üzvü, professor

Bu gün ETN-nin Radiasiya Problemləri İnstitutunda Zəfər günü münasibəti ilə təntənəli tədbir keçirilmişdir. Tədbir Azərbaycan Respublikası himninin ifa edilməsi ilə başladı və şanlı zəfəri bizə bəxş edən şəhidlərimizin əziz xatirəsi bir dəqiqəlik sükutla yad edildi.

Tədbiri giriş sözü ilə açan institutun baş direktoru, AMEA-nın m.ü. İ.Mustafayev Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyinin ölkəmizin qələbəsini təmin edən mühüm amillər olduğundan, ulu əcdadlarımızın zəngin dövlətçilik və hərb tarixindən ilhamlanan Azərbaycan xalqının daha bir şanlı qəhrəmanlıq salnaməsi yazaraq, özünün qalib xalq olduğunu bütün dünyaya sübut etdiyindən və düşmən üzərində tarixi zəfəri reallaşdıran Azərbaycan əsgəri və xaqan ali baş komandandan söz açdı.

Radiasiya Problemləri İnstitutunun 2 ekoloji ekspedisiyası oktyabrın 28-dən noyabrın 4-dək Şuşa və Laçın rayonlarında tədqiqatlar aparmışlar. Ekspedisiyada Ekologiya və Təbii Sərvətlər Nazirliyinin əməkdaşları da iştirak etmişlər. Azərbaycan Respublikasının işğaldan azad edilmiş ərazilərinə “Böyük Qayıdışa dair I Dövlət Proqramı”nın Tədbirlər Planının icrası üzrə Azərbaycan Respublikası Elm və Təhsil Nazirliyinin 2023-cü il üçün Tədbirlər Planında nəzərdə tutulmuş tədqiqat işləri həyata keçirilmişdir.

«Azərbaycan Ordusunun Təlim və Tədris Mərkəzində xalqımızın Ümummilli Lideri Heydər Əliyevin anadan olmasının 100 illiyi və İkinci Qarabağ müharibəsində qazanılan qələbənin üçüncü ildönümünə həsr olunmuş respublika elmi-praktik konfransı keçirilib.

“Milli təhlükəsizlik və müasir hərb sənəti” mövzusunda keçirilən konfransda Milli Müdafiə Universiteti və tabeliyindəki təhsil müəssisələrinin zabit, professor-müəllim heyəti ilə bərabər, Müdafiə Nazirliyinin , Dövlət Təhlükəsizliyi Xidmətinin Heydər Əliyev adına Akademiyasının, Elm və Təhsil Nazirliyinin Radiasiya Problemləri, Fizika və İnformasiya Texnologiyaları İnstitutlarının, N.Tusi adına Şamaxı Astrofizika Rəsədxanasının, AMEA Fəlsəfə və Sosiologiya İnstitutunun, Azərbaycan Milli Aerokosmik Agentliyinin, Azərbaycan Respublikasının Prezidenti yanında Dövlət İdarəçilik Akademiyasının, Azərbaycan Dövlət Pedaqoji Universitetinin, Azərbaycan Tibb Universitetinin, Azərbaycan Texniki Universitetinin, Azərbaycan Dövlət Neft və Sənayə Universitetinin, Bakı Ali Neft Məktəbinin, Fövqəladə Hallar Nazirliyinin Akademiyasının, Dövlət Sərhəd Xidməti Akademiyasının, Daxili Qoşunların Ali Hərbi Məktəbinin, Xüsusi Rabitə və İnformasiya Təhlükəsizliyi Dövlət Xidmətinin nümayəndələri iştirak ediblər.