Xəbərlər

Azərbaycan Respublikası Elm və Təhsil Nazirliyinin Radiasiya Problemləri İnstitutunun (RPİ) Baş direktoru, AMEA-nın müxbir üzvü, professor İslam Mustafayev, icraçı direktoru, fizika-riyaziyyat üzrə fəlsəfə doktoru, dosent Rəvan Mehdiyeva, Elmi katibi, fizika üzrə fəlsəfə doktoru, dosent Əminə Mikayılova və Gənc Alim və Mütəxəssislər Şurasının sədri Əli Məmmədov Hədəf STEM Liseyində yerləşən İnteraktiv Elm Muzeyini ziyarət edib.

Sözügedən muzeyin təşkilatçısı və rəhbəri Elçin Abbasovun dəvəti ilə baş tutan ziyarətdə çoxsaylı tarixi ekspoatlar, həmçinin şagirdlərin fiziki və kimyəvi qanunları praktiki dərk etmələri üçün hazırlanmış ixtiralar, cihaz və avadanlıqlar nümayiş etdirilib.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Gənc Alim və Mütəxəssislər Şurasının (GAMŞ) təşkilatçılığı və İnstitutun Həmkarlar Təşkilatının dəstəyi ilə 2 fevral – Azərbaycan Gəncləri Gününə həsr olunmuş tədbir keçirilib.

Tədbirdə əvvəlcə Vətənin ərazi bütövlüyü uğrunda canlarından keçmiş şəhidlərimizin əziz xatirəsi hörmət və ehtiramla yad edilib.

Sonra giriş sözü ilə çıxış edən İnstitutun Baş direktoru, AMEA-nın müxbir üzvü, professor İslam Mustafayev gənc alim və mütəxəssisləri “2 fevral – Azərbaycan Gəncləri Günü” münasibəti ilə təbrik edib və onlara gələcək elmi-ictimai fəaliyyətlərində uğurlar arzulayıb. İ.Mustafayev bildirib ki, ölkəmizdə əsası ümumilli lider H.Əliyev tərəfindən qoyulan və ölkənin bu sahədə apardığı siyasətin təməl istiqamətlərdən biri olan gənclər siyasəti bu gün də Prezident İ. Əliyev tərəfindən uğurla davam etdirilir və bütün elmi-ictimai fəaliyyət sahələrində dövlətimizin gənclərə olan etimadı tamdır.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) Elmi Şuranın növbəti iclası keçirilib.

İclasda çıxış edən İnstitutun Baş direktoru, AMEA-nın müxbir üzvü, professor İslam Mustafayev Gündəlikdəki məsələləri iclas iştirakçılarının diqqətinə çatdırıb.

Tədbirdə əvvəlcə 2022-ci ilin yekunları və cari ildə qarşıda duran vəzifələr müzakirə edilib.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) magistrantların 2022/2023-cü tədris ili üzrə qış imtahan sessiyasında “Radiasiya materialşünaslığı” ixtisası üzrə təhsil alan I və II kurs magistrantların imtahanları başa çatıb.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) növbəti görüş keçirilib. Görüşdə qonaq qismində Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyinin rəisi Nicat Əliyev və sözügedən agentliyin əməkdaşı Əkbər Quliyev iştirak edib.

Görüşdə çıxış edən İnstitutun Baş direktoru, AMEA-nın müxbir üzvü, professor İslam Mustafayev qonaqları salamlayıb və rəhbərlik etdiyi elmi müəssisənin tarixi, elmi-təşkilati fəaliyyəti və əldə etdiyi mühüm nəticələri diqqətə çatdırıb.

Radiasiya Problemləri İnstitutunun İnnovativ ionlaşdırıcı şüa qəbulediciləri laboratoriyasının əməkdaşlarının (f.e.d. Zirəddin Sadıqov, f.e.d. Fərid Əhmədov və digər əməkdaşların) hazırladığı yeni silisium fotoelektron gücləndiricilərin nüvə kriminalistikasında tətbiq olunma imkanlarının öyrənilməsinə həsir edilmiş elmi məqaləsi Journal of Instrumentation dərc edilmişdir (İF-1.12). Məqalədə təbii və kasıblaşmış uran mənbələrində uran-235 və uran-238 miqdarını müəyyən etmək üçün 185,7 keV və 1001 keV enerjili qamma-şüa xətlərindən istifadə olunmuşdur.

Məqalə ilə tanış olmaq üçün linkdən istifadə edə bilərsiniz https://doi.org/10.1088/1748-0221/18/01/C01015.

Yanvarın 25-də Elm və Təhsil Nazirliyində Azərbaycan Milli Elmlər Akademiyasının (AMEA) nazirliyin tabeliyinə verilən institutlarının ictimaiyyətlə əlaqələrə məsul əməkdaşları ilə görüş keçirilib.

Görüşün məqsədi ictimaiyyətlə əlaqələrin daha yaxşı qurulması və effektiv kommunikasiya fəaliyyətinin müzakirəsi olub.

Elm və təhsil nazirinin müşaviri Elnur Nəsibov çıxış edərək elmin populyarlaşmasında ictimaiyyətlə əlaqələrin rolu, nəzəri araşdırmaların praktik təqdimatı, bir sıra maraq doğuran layihələr vasitəsilə gənclərin elm sahəsinə cəlbinin zəruriliyini diqqətə çatdırıb.

AMEA-nın Rəyasət Heyətinin Fizika-Riyaziyyat və Texnika Elmləri Bölməsinin (FRTEB) 2022-ci il üçün illik hesabatının müzakirəsinə həsr olunmuş səyyar iclası İnformasiya Texnologiyaları İnstitutunda keçirilib.

Tədbirdə əvvəlcə bölmə üzrə elmi müəssisələrin nailiyyətlərinə həsr olunmuş sərgiyə baxış keçirilib. Sərgidə Radiasiya Problemləri İnstitutunun da 2022-ci ildəki elmi nailiyyətləri nümayiş olunub.

Qeyd edək ki, institutda 2022-ci hesabat ilində Elmin İnkişafı üzrə Milli Strategiyaya müvafiq olaraq radiasiya təhlükəsizliyi, radiasiya materialşünaslığı, radiasiya texnologiyaları və ekoloji təmiz energetikanın elmi əsasları üzrə 4 problem, 10 mövzuya aid 21 elmi-tədqiqat işi aparılıb, nəzərdə tutulan bütün işlər yerinə yetirilib.

İnstitutda Azərbaycan Respublikasının Prezidenti cənab İlham Əliyevin Azərbaycanın inkişaf etmiş ölkəyə çevrilməsi üçün müəyyənləşdirdiyi prioritetlərə uyğun tədqiqatlar aparılıb, alimlər qarşısında qoyulmuş həyata keçirilməsi zəruri olan vəzifələr yerinə yetirilib.

Azərbaycan Respublikası Elm və Təhsil Nazirliyinin Radiasiya Problemləri İnstitutunda “20 Yanvar – Ümumxalq Hüzn Günü”nə həsr olunmuş anım tədbiri keçirilib.

Tədbirdə əvvəlcə Azərbaycan Respublikasının Dövlət Himni səsləndirilib.

Daha sonra Vətənin ərazi bütövlüyü uğrunda canlarından keçmiş şəhidlərimizin əziz xatirəsi hörmət və ehtiramla yad edilib.

Anım tədbirində çıxış edən İnstitutun Baş direktoru, AMEA-nın müxbir üzvü, professor İslam Mustafayev 20 Yanvar hadisələrinə dair fikirlərini bölüşüb, eləcə də həmin dövrki ictimai-siyasi vəziyyət və xalqımızın azadlıq uğrundakı mübarizəsi və qəhrəmanlıq dastanı haqqında tədbir iştirakçılarına məlumat verib.

Azərbaycan Respublikası Elm və Təhsil Nazirliyinin Radiasiya Problemləri İnstitutu Kəlbəcər rayonunda apardığı ölçmə və yoxlamalar nəticəsində bəzi ərazilərdə radiasiya səviyyəsinin yüksək olduğunu aşkar edib.

Bu barədə “Report”a AMEA-dakı mənbə məlumat verib.

Onun sözlərinə görə, ölçmələr zamanı Dəlidağın bir tərəfində radon qazının səviyyəsinin çox yüksək olması müəyyən edilib: “Dəlidağın digər tərəfində isə belə yüksək radiasiya aşkar edilmədi. Bu səbəbdən də həmin ərazidən çıxan sulardan birbaşa istifadə tövsiyə edilmir. Yerin təkindən çıxan bu qazı təmizləmək üçün isə həmin su mütləq bir hovuza yığılmalıdır və bir neçə gün ərzində radon özü suyun tərkibindən ayrılıb uçacaq. Müalicə məqsədi ilə istifadə edilən su vannalarında cüzi miqdarda radon olması normaldır, amma radionun qarışdığı suyun içilməsi qadağandır”.

Azərbaycan Respublikası Elm və Təhsil Nazirliyinin Radiasiya Problemləri İnstitutunda (RPİ) magistrantların 2022/2023-cü tədris ili üzrə qış imtahan sessiyasında I və II kurslar üzrə “Radiasiya materialşünaslığı” ixtisasından imtahanlara başlanılıb.

Radiasiya Problemləri İnstitutunun gənc alimi Namiq Heydərov “CBC FM” radiosunun "Səhər Saatı" proqramının qonağı olub. Gənc alim sözügedən proqramda hazırda dünyada və Azərbaycanda olan texnoloji yeniliklərdən danışıb, gənclərlə öz təcrubəsini bölüşüb.

Ölkəmizdə gənclərin inkişafı üçün yaradılan şəraitdən və daha surətli inkişaf üçün vacib amillərdən bəhs edib Namiq Heydərov, gənc tədiqatçıların muasir texnologiyalar əsasında hazırladığı qurğular və gələcək prespektiv istiqamətləri haqqında məlumat verib.

Azərbaycan Respublikası Elm və Təhsil Nazirliyinin Radiasiya Problemləri İnstitutunun gənc alimi, fizika üzrə fəlsəfə doktoru, dosent Günel İmanova dünyanın ən güclü “Elsevier” nəşriyyatının “Hybrid advances” jurnalının redaksiya heyətinə üzv seçilib.

Elm və Təhsil Nazirliyinin Radiasiya Problemləri İnstitutunda Azərbaycan Dövlət Neft və Sənaye Universitetinin (ADNSU) bir sıra kafedralarının rəhbər heyəti ilə görüş keçirilib.

Görüş AMEA Rəyasət Heyətinin 10 iyun 2021-ci il tarixli müvafiq Qərarının elm və təhsil sisteminin effektiv, çoxşaxəli inteqrasiyası Strategiyasına uyğun olaraq ADNSU PHŞ ilə Radiasiya Problemləri İnstitutu arasında 2018-ci ildə bağlanmış Müqaviləni, həmçinin RPİ-nin Elmi Şurasının 2 dekabr 2022-ci il tarixli iclasının müvafiq qərarını əsas tutaraq Universitetin “Sənaye təhlükəsizliyi və əmək mühafizəsi” və “Neft-kimya texnologiyası və sənaye ekologiyası” kafedralarının RPİ-nin nəzdində birgə “filial”ı yaradılmasına həsr olunub.