RADİASİYA PROBLEMLƏRİ İNSTİTUTU
AZƏRBAYCAN MİLLİ ELMLƏR AKADEMİYASI
FİZİKA-RİYAZİYYAT VƏ TEXNİKA ELMLƏRİ BÖLMƏSİ
| AZE | ENG | RUS |

Əsas səhifə

[22.09.2020]

Azərbaycanlı alimlərin məqaləsi yüksək impakt faktorlu jurnalda dərc olunub

Azərbaycan Milli Elmlər Akademiyasının (AMEA) Radiasiya Problemləri İnstitutunun alimləri, kimya elmləri doktoru, professor Teymur Ağayev, fizika üzrə fəlsəfə doktoru Sevinc Məlikova və fizika elmləri doktoru Nüşabə Hacıyevanın həmmüəllifi olduğu məqalə “Journal of Physical Studies” Beynəlxalq jurnalında dərc olunub.

[15.09.2020]

Azərbaycan Respublikasının Prezidenti, cənab İlham Əliyevin yeni dərs ilinin başlanması və Bilik Günü münasibətilə müraciəti

-Əziz müəllimlər, tələbələr, şagirdlər.

Mən sizi yeni dərs ili münasibətilə ürəkdən təbrik edirəm. Bu il yeni dərs ili yeni şəraitdə, pandemiya dövründə başlayır. Bunu nəzərə alaraq, yeni dərs ili yeni formatda təşkil ediləcəkdir. Bizim əsas məqsədimiz ondan ibarətdir ki, Azərbaycan xalqını bu bəladan qoruyaq və qəbul edilmiş bütün qərarlar bu məqsədi güdür ...

[14.09.2020]

Radiasiya Problemləri İnstitutunda magistrantlarla görüş keçirilib

Azərbayacan Milli Elmlər Akademiyasının (AMEA) Radiasiya Problemləri İnstitutunda “Radiasiya materialşünaslığı” ixtisası üzrə bu il qəbul olunan I kurs və hazırda təhsil alan II kurs magistrantlarla görüş keçirilib.

Karantin rejiminin tələblərinə uyğun formada və izolyasiya şəraitində təşkil olunan görüşdə çıxış edən İnstitutun direktoru, AMEA-nın müxbir üzvü, professor Oqtay Səmədov görüş iştirakçılarını salamlayıb və magistrantlara uğurlar arzu edib.

[14.09.2020]

Doktorantura və dissertanturaya sənəd qəbulu

Azərbaycan Milli Elmlər Akademiyasının (AMEA) Radiasiya Problemləri İnstitutu 2020 - ci il üçün aşağıdakı ixtisaslar üzrə fəlsəfə doktoru və elmlər doktoru hazırlığı üzrə doktorantura və dissertanturaya sənəd qəbulu elan edir. Sənədlər 14 sentyabr 2020-ci il tarixindən 7 oktyabr 2020-ci il tarixinə qədər hər gün (şənbə, bazar və bayram günləri istisna olmaqla) saat 1000 - dan 1700 - dək qəbul ediləcək. Sənədlər AMEA Radiasiya Problemləri İnstitutunun Təhsil şöbəsinə təqdim edilməlidir.

[07.09.2020]

İnstitutun gənc alimi xarici jurnalın redaksiya heyətinə üzv seçilib

Azərbaycan Milli Elmlər Akademiyası (AMEA) Radiasiya Problemləri İnstitutunun «Heterogen Proseslərin Rasiasiya Kimyası» laboratoriyasının elmi işçisi, fizika üzrə fəlsəfə doktoru Günel Tələt qızı İmanova "Synergy Publishers" nəşriyatının çap etdiyi Qabaqcıl Biotexnologiya və Biomühəndislik (Journal of Advanced Biotechnology and Bioengineering) xarici jurnalının redaksiya heyətinə uzv seçilib.

[19.08.2020]

Radiasiya Problemləri İnstitutunun əməkdaşlarının məqalələri “Springer” nəşriyyatının çap etdiyi kitabda dərc olunub

Azərbaycan Milli Elmlər Akademiyasının (AMEA) Radiasiya Problemləri İnstitutunun əməkdaşları - professor Rövşən Xəlilov və dosent Aygün Nəsibovanın məqaləsi “Springer” nəşriyyatının çap etdiyi kitabda dərc olunub.

“Sülh və Təhlükəsizlik Naminə NATO Elmi. B seriyası: Fizika və Biofizika (“NATO Science for Peace and Security Series B: Physics and Biophysics” (NAPSB)) məcmuəsinə daxil olan “Nanoelm və Nanotexnologiya Təhlükəsizlik və CBRN Təhdidlərindən Qorunma sahəsində” (Nanoscience and Nanotechnology in Security and Protection against CBRN Threats) adlı kitabda dərc olunmuş məqalə beynəlxalq auditoriya tərəfindən maraqla qarşılanıb.

[07.08.2020]

Gənc Alim və Tədqiqatçıların 5-ci qrant müsabiqəsi elan olunub

Azərbaycan Respublikasının Prezidenti yanında Elmin İnkişafı Fondu tərəfindən Gənc Alim və Tədqiqatçıların 5-ci qrant müsabiqəsi elan olunub.

Müsabiqə təbiət, dəqiq, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən fundamental, tətbiqi və innovasiya xarakterli elmi-tədqiqat proqram və layihələrini və digər elmi tədbirləri dəstəkləmək məqsədilə keçirilir. Eyni zamanda, aktual və müasir elmi problemlərin həlli ilə məşğul olan, elmi tədqiqatlarla əlaqəli digər qurumlarda (nazirliklərin nəzdindəki elmi-tədqiqat institutları, dövlət qurumları və s.) çalışan gənc alim və tədqiqatçıların elmi fəaliyyətini stimullaşdırmaq və onlara əlavə yaradıcılıq imkanı yaratmaq, bir elmi mövzunun (problemin müəyyən hissəsinin) tədqiqi məqsədilə yaradılan müvəqqəti yaradıcı kollektivləri dəstəkləmək nəzərdə tutulur.

[04.08.2020]

Radiasiya Problemləri İnstitutunun alimləri yeni elektron modul hazırlayıb

Azərbaycan Milli Elmlər Akademiyasının (AMEA) Radiasiya Problemləri İnstitutunun (RPİ) alimləri yeni elektron modul hazırlayıb. Çexiya Texniki Universitetinin Tətbiqi və Eksperimental Fizika İnstitutu (TEFİ) ilə 2019-cu ildə qurulmuş əməkdaşlıq çərçivəsində silisium əsaslı fotoelektron gücləndiricilərin (SFG) elektron modullarının işlənməsi və onların beynəlxalq təcrübələrdə tətbiq edilməsi məqsədi ilə birgə görülən işlərin nəticəsində azərbaycanlı alimlər tərəfindən hazırlanan yeni modul mürəkkəb elektronik hissələri cəmləşdirir.

[04.08.2020]

Azərbaycanlı alimin məqaləsi yüksək impakt faktorlu jurnalda dərc olunub

Azərbaycan Milli Elmlər Akademiyasının (AMEA) Radisiya Problemləri İnstitutunun alimi, fizika-riyaziyyat elmləri doktoru, professor Rövşən Xəlilovun həmmüəllifi olduğu məqalə “The Lancet Global Health” Beynəlxalq jurnalında dərc olunub.

[30.07.2020]

QURBAN BAYRAMINIZ MÜBARƏK!

Hörmətli həmkarlar!

Sizi dünya müsəlmanlarının mənəvi birlik, bərabərlik və həmrəylik rəmzi olan müqəddəs Qurban bayramı münasibətilə səmimi-qəlbdən təbrik edir, sizə uzun ömür, möhkəm cansağlığı, ailələrinizə xoşbəxtlik, süfrələrinizə bol ruzi-bərəkət arzulayıram.

 

Hörmətlə,

Oqtay Səmədov
AMEA-nın Radiasiya Problemləri
İnstitutunun direktoru, AMEA-nın müxbir üzvü, professor

[29.07.2020]

“Su ehtiyatlarından səmərəli istifadəyə dair Milli Strategiya”nın layihəsi hazırlanacaq

“Su ehtiyatlarından səmərəli istifadəyə dair Milli Strategiya”nın layihəsi hazırlanacaq.

Bu, Azərbaycan Respublikası Prezidentinin Sərəncamı ilə təsdiq edilmiş Su ehtiyatlarından səmərəli istifadənin təmin edilməsinə dair 2020–2022-ci illər üçün Tədbirlər Planında öz əksini tapıb.

[28.07.2020]

AMEA-nın prezidenti, akademik Ramiz Mehdiyevin açıqlaması

Son dövrdə mühacirətdə fəaliyyət göstərən bir sıra müxalif yönlü jurnalistin internet kanalları vasitəsilə yayımladıqları veriliş və müzakirələrdə ölkə rəhbərliyinin ünvanına etik hədləri aşan üslubda səsləndirdikləri ittiham və böhtanlar Azərbaycan cəmiyyətinin əksər üzvləri kimi məni də dərindən narahat edir. Xüsusilə də həmin şəxslərin istefaya göndərilmiş, yaxud başqa vəzifəyə təyin olunmuş şəxslər üzərindən həyata keçirməyə çalışdıqları manipulyasiya cəhdləri təəssüf doğurur. Bu cəhdlərin ölkə rəhbərliyi ilə sabiq məmurları üz-üzə qoymaq, anlaşılmazlıq yaratmaq, ixtilaf salmaq, cəmiyyətdə guya iqtidar daxilində dərin ziddiyyətlərin olması haqqında rəy formalaşdırmaq taktikasına söykəndiyi açıq-aşkar görünməkdədir.

[28.07.2020]

ABŞ-a və Avropaya miqrasiya edən erməni təxribat dalğası Ermənistanı siyasi məğlubiyyətə sürükləyir

Tovuz döyüşlərində Ermənistanın hərbi təxribatının əzmlə dəf edildiyini, eləcə də on minlərlə vətəndaşımızın müzəffər ordumuzla çiyin-çiyinə vuruşmaq üçün Ali Baş Komandana müraciətini görən mənfur qonşu növbəti dəfə də dünyanı öz alçaq və rəzil əməlləri ilə təccübləndirdi. Belə ki, ABŞ-ın ölkəmizdəki səfiri Örl Litzenberqerin təbiri ilə desək, Los-Ancelesdə dinc aksiya üçün yığışmış azərbaycanlılara qarşı sayca daha çox olan ermənilər tərəfindən edilmiş hücuma bəraət qazandırmaq mümkün deyil.

[28.07.2020]

Ermənistanın törətdiyi təxribat və zorakılıq xalqımızın mübarizə əzmini sarsıda bilməz

Bakı, 28 iyul, AZƏRTAC

Cənubi Qafqazda cərəyan edən siyasi prosesləri təhlil etdikdə görürük ki, etnik zəmində, əsasən türklərlə bağlı münasibətdə ermənilərin siyasi ambisiyalarında qeyri-sivil davranışları, məkrli və təxribat dolu siyasi manevrlər tarixin hər dönəmində özünü büruzə verir. Təkcə 1905-ci, 1918-ci və 1992-ci illərdə ermənilərin azərbaycanlılara qarşı Bakı, İrəvan, Tiflis, Xocalı daxil olmaqla, Cənubi Qafqaz bölgəsində törətdiyi soyqırımları xalqımızın qan yaddaşına həkk olunub.