RADİASİYA PROBLEMLƏRİ İNSTİTUTU
AZƏRBAYCAN MİLLİ ELMLƏR AKADEMİYASI
FİZİKA-RİYAZİYYAT VƏ TEXNİKA ELMLƏRİ BÖLMƏSİ
| AZE | ENG | RUS |

Əsas səhifə

[05.03.2021]

AMEA-nın prezidenti, akademik Ramiz Mehdiyevin 8 Mart - Beynəlxalq Qadınlar Günü münasibətilə Akademiyanın qadın əməkdaşlarına təbriki

Əziz xanımlar!

Sizi 8 Mart – Beynəlxalq Qadınlar Günü münasibətilə ürəkdən təbrik edir, cansağlığı, ailə səadəti və elmi fəaliyyətinizdə uğurlar arzulayıram.

Azərbaycan qadını hər zaman sədaqətliliyin və gözəlliyin rəmzi olmuş, əsrlər boyu öz mübarizliyi, fədakarlığı və müdrikliyi ilə seçilmiş, tariximizin bütün dövrlərində xalqımızın taleyüklü məsələlərinin həllinə öz töhfələrini vermişdir.

[04.03.2021]

Akademik Rasim Əliquliyev: "Elektron elmin formalaşdırılmasına diqqət artırılır"

Bu gün AMEA-nın vitse-prezidenti, Fizika-Riyaziyyat və Texnika Elmləri Bölməsinin Elmi şurasının sədri, İnformasiya Texnologiyaları İnstitutunun direktoru, akademik Rasim Əliquliyevin rəhbərliyi ilə AMEA Rəyasət Heyəti aparatının Elmi tədqiqatların əlaqələndirilməsi şöbəsinin, AzScienceNet elm kompüter şəbəkəsinin, Fizika-Riyaziyyat və Texnika Elmləri Bölməsinin, eləcə də AMEA Rəyasət Heyəti aparatının Hüquq və kadrlar idarəsinin müvafiq əməkdaşlarının iştirakı ilə onlayn müşavirə keçirilib.

[03.03.2021]

İnstitutda Elmi Şuranın növbəti iclası keçirilib

Azərbaycan Milli Elmlər Akademiyasının (AMEA) Radiasiya Problemləri İnstitutunun Elmi Şurasının növbəti iclası keçirilib.

İclasda giriş sözü ilə çıxış edən RPİ-nin direktoru vəzifəsini icra edən, AMEA-nın akademik-katibi, akademik Adil Qəribov İnstitutda aparılmış struktur dəyişiklikləri haqqında əməkdaşlara məlumat verib.

[02.03.2021]

Magistraturaya qəbul imtahanının nəticələri açıqlanıb

Dövlət İmtahan Mərkəzi ali təhsil müəssisələrinin və AMEA-nın magistraturalarına fevralın 28-də keçirilmiş qəbul imtahanının nəticələrini açıqlayıb.

Bakalavrlar imtahanın nəticələri haqqında məlumatı mobil operatorlar vasitəsilə “iş nömrəsi”ni 7727 nömrəsinə göndərməklə öyrənə bilərlər.

[25.02.2021]

Manqro meşələri planetimizi qlobal istiləşmədən qoruya bilər

“British Ecological Society journal Functional Ecology” jurnalında dərc olunmuş yeni araşdırmaya görə, manqro meşələri daha çox karbon toplayır.

Çinin Xaynan adasındakı manqro meşələrini öyrənən tədqiqatçılar bu meşələrdəki növ müxtəlifliyinin həm biokütlənin yaranmasına (üzvi maddələrin miqdarı) təsirini, həm də torpağın tərkibində karbonu artırdığını müəyyənləşdiriblər.

[24.02.2021]

AMEA-nın yaşı 65-dən yuxarı olan əməkdaşlarına peyvənd vurulub

COVID-19 xəstəliyi yeni kəşf olunan SARS-CoV-2 virusu tərəfindən törədilən yoluxucu xəstəlikdir. Digər koronavirus mənşəli (SARS və MERS) xəstəliklərdən fərqli olaraq yüksək yoluxuculuq qabiliyyətinə malik olan və atipik pnevmoniya ilə müşahidə edilən bu xəstəlik 2019-cu ilin sonundan etibarən sürətlə yayılmağa başlayıb və bütün dünyanı əhatə edib. Ümumdünya Səhiyyə Təşkilatı (ÜST) 2020-ci il 23 yanvar tarixində COVID-19 xəstəliyi ilə bağlı fövqəladə vəziyyət elan edib, 2020-ci il 28 fevral tarixində yaranmış təhlükənin qiymətləndirilməsinin qlobal miqyasda çox yüksək dərəcədə olduğunu açıqlayıb və 2020-ci il 11 mart tarixində bu xəstəliklə bağlı vəziyyətin pandemiya səviyyəsinə çatdığını bildirib.

[23.02.2021]

Elmi Şuranın növbəti iclası keçirilib

Azərbaycan Milli Elmlər Akademiyasının (AMEA) Radiasiya Problemləri İnstitutunun (RPİ) Elmi Şurasının növbəti onlayn iclası keçirilib.

İclasda əvvəlcə Gündəlikdəki məsələlər iclas iştirakçılarının diqqətinə çatdırılıb.

[18.02.2021]

İnstitutun alimi İTV-də çıxış edib

Azərbaycan Milli Elmlər Akademiyasının (AMEA) Radiasiya Problemləri İnstitutunun “Bərpa olunan enerji növlərinin çevrilməsi” laboratoriyasının aparıcı elmi işçisi, fizika üzrə fəlsəfə doktoru Oktay Salamov İctimai Televiziyada (İTV) yayımlanan “Sabaha saxlamayaq” proqramında ekspert qismində iştirak edib.

[15.02.2021]

AMEA-nın Fizika-Riyaziyyat və Texnika Elmləri Bölməsinin elmi müəssisələrində islahatlara start verilib

Azərbaycan Milli Elmlər Akademiyasının (AMEA) Fizika-Riyaziyyat və Tex­nika Elmləri Bölməsinin (FRTEB) Ümumi Yığıncağının onlayn iclası keçirilib.

Tədbirdə AMEA-nın vitse-prezidenti, FRTEB-in rəhbəri, akademik Rasim Əli­qu­li­yev, bölmə üzrə AMEA-nın həqiqi və müxbir üzvləri, elmi müəs­si­sələrin rəh­­bər­ləri, direktor müavinləri, elmi katibləri, təh­sil, bey­nəlxalq və icti­maiy­yət­lə əlaqələr şö­bə­lə­ri­nin rəhbərləri, eləcə də gənc alim və mü­tə­xəs­sis­lər şu­ra­la­rının sədrləri işti­rak ediblər.

[10.02.2021]

Akademik Mahmud Kərimovun xatirəsi yad edilib

Azərbaycan Milli Elmlər Akademiyasının (AMEA) sabiq prezidenti, akademik Mahmud Kərimovun anım günü ilə əlaqədar alimin Fəxri Xiyabanda yerləşən qəbirüstü abidəsi ziyarət olunub, əklil və gül dəstələri qoyulub.

Ziyarətdə iştirak edən AMEA-nın akademik katibi, akademik Adil Qəribov, Fizika İnstitutunun Baş direktoru, akademik Arif Həşimov, akademik Nazim Məmmədov, Radiasiya Problemləri İnstitutunun Elmi İşlər Üzrə Direktor müavini, fizika-riyaziyyat üzrə fəlsəfə doktoru, dosent Rəvan Mehdiyeva və alimin ailə üzvləri akademik Mahmud Kərimovun elmi və idarəçilik fəaliyyəti haqqında qısa fikirlərini bölüşüblər.

[05.02.2021]

Radiasiya Problemləri İnstitutu əməkdaşlarının məqaləsi yüksək impakt faktorlu jurnalda dərc olunub

Radiasiya Problemləri İnstitutunun əməkdaşları Hacı Vahid Axundzadə və Rəna Xankişiyevanın həmmüəllifi olduqları ingilis dilində “Dihidropirimidinlər və onların regioselektiv oksidləşmə məhsullarının sintezi, kristal quruluşu və antibakterial xassələrinin tədqiqi” adlı məqalə “Web of Science” bazasına daxil olan “RSC Advances” jurnalında dərc olunub.

[03.02.2021]

AMEA Radiasiya Problemləri İnstitutunun gənc alimi “İlin gənc alimi” müsabiqəsinin qalibi olub

Bakı Dövlət Universitetində (BDU) 2 Fevral - Azərbaycan Gəncləri Gününə həsr olunmuş tədbirdə “İlin gənc alimi” müsabiqəsinin qalibləri elan olunub. Müsabiqə Komissiyasının qərarına əsasən Fizika fakültəsinin Nanomaterialların kimyəvi fizikası kafedrasının müəllimi Həbibə Şirinova təbiət və texnika elmləri üzrə, Hüquq fakültəsinin Konstitusiya hüququ kafedrasının dosenti Aytəkin İbrahimova humanitar və ictimai elmlər üzrə ən yüksək nəticə göstərərək müsabiqənin qalibi olublar.

[03.02.2021]

Elmi Şuranın növbəti iclası keçirilib

Azərbaycan Milli Elmlər Akademiyasının (AMEA) Radiasiya Problemləri İnstitutunun (RPİ) Elmi Şurasının növbəti onlayn iclası keçirilib.

İclasda çıxış edən AMEA-nın akademik katibi, RPİ-nin direktoru vəzifəsini icra edən, akademik Adil Qəribov Gündəlikdəki məsələləri iclas iştirakçılarının diqqətinə çatdırıb.

[02.02.2021]

Güclü lider və onun qalib gəncləri

Azərbaycanda gənclərlə bağlı təşkilatlanmanın və davamlı inkişafı hədəfləyən sistemli strategiyanın formalaşma tarixi Ümummilli Liderin adı ilə, hakimiyyətdə olduğu dövrlə bağlıdır. “Gənclər günü”nün yaddaşını Ulu Öndərin qərarları ilə bərabər, yeni dünyanın siyasi fenomeni, eləcə də XXI əsrin qalib sərkərdəsi Prezident İlham Əliyevin dəmir iradəsi, zəfəri hədəfləyən siyasi manevrləri bəzəyir.