Xəbərlər

        Azərbaycan Milli Elmlər Akademiyasının (AMEA) prezidenti, Akademik Akif Əlizadənin müvafiq Sərəncamına əsasən Təhsil Nazirliyinin tabeliyindəki ali təhsil müəssisələrində yaradılan SABAH qruplarında təhsil alan 200-dən çox tələbə AMEA-nın elmi müəssisələrində təcrübə keçməyə başlayıb.
     Sözügedən Sərəncamdan irəli gələn məsələlərin icrasına dair AMEA-nın Radiasiya Problemləri İnstitutunun direktoru, fizika-riyaziyyat elmləri doktoru, professor Oqtay Səmnədovun Əmri ilə Dekabrın 1-dən etibarən SABAH qrupunun müəyyən etdiyi siyahı əsasında Bakı Dövlət Universitetinin Kimya və Fizika fakültələrindən ümumilikdə 18 tələbə AMEA-nın RPİ-nun müvafiq laboratoriyalarında təcrübə keçməyə başlayıb. Qeyd edək ki, tələbələrin bu təcrübələrdə iştirakı 31 may 2017-ci il tarixinə qədər davam edəcək.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.