Xəbərlər

Azərbaycan Milli Elmlər Akademiyasının (AMEA) Radiasiya Problemləri İnstitutunun (RPİ) Təhsil şöbəsinin müdiri, fizika üzrə fəlsəfə doktoru Əminə Mikayılova və “Seqnetoelektriklərin radiasiya fizikası” laboratoriyasının elmi işçisi Nuranə Əliyeva “XXI Всероссийской конференции по физики сегнетоэлектриков (ВКС XXI)” adlı konfransda iştirak etmişdir.

25-30 iyun tarixində Kazan Federal Universitetinin təşkilatçılığı ilə keçirilmiş konfrans çərçivəsində gənc alimlər Seqnetoelektriklər fizikası sahəsində tanınmış alimlərin çıxışlarını dinləmişlər.

Konfransda Radiasiya Problemləri İnstitutunun əməkdaşlarının təqdim etdiyi “TlInS₂ легированный V, Cr, Mn − новый сегнетоэлектрик релаксор” və “Суперионная проводимость в кристаллах TlInS₂ и TlGaSe₂ индуцированная γ–облучением” adlı elmi məruzələr poster təqdimatında müzakirə edilmişdir.

Sözügedən konfransın yekun iclasında Azərbaycanlı gənc alimlər də daxil olmaqla bir qrup iştirakçıya sertifikatlar təqdim olunmuşdur.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.