Xəbərlər

Azərbaycan Milli Elmlər Akademiyasının (AMEA) Radiasiya Problemləri İnstitutunun “Nizamsız Bərk cisimlərin radiasiyası fizikası” laboratoriyasının kiçik elmi işçisi Zamil Dadaşov Türkiyənin Respublikasının Ankara şəhərində təcrübə kursunda iştirak etmişdir.

20 may - 3 iyun tarixində Ankara Universitetinin Nüvə Elmləri İnstitutunda keçirilmiş təcrübə kursu “Harshaw 3500 Termoluminesens Dozimetri”-nin istifadəsi və tətbiqi mövzusuna həsr edilmişdir. Sözügedən kurs müddətində Harshaw 3500 Termoluminesens Dozimetrinin proqram təminatının quraşdırılması və əmrlər bölməsinin yerinə yetirilməsi, TLD-100 dozimetr materialının “Element düzəltmə amili” (ECC) və “Oxuyucu düzəltmə amili” (RCF), həmçinin Termoluminesans dozimetriya metodu ilə Retrospektiv dozimetriya (Qəza dozimetriyası) və arxeoloji nümunələrin tarixləndirilməsi metodu öyrənilmişdir.

Gənc alim qurğunun xarakteristikası və tətbiqi mövzusunda keçirilən seminarda və bir neçə təcrübənin aparılmasında da iştirak etmişdir.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.