RADİASİYA PROBLEMLƏRİ İNSTİTUTU
AZƏRBAYCAN MİLLİ ELMLƏR AKADEMİYASI
FİZİKA-RİYAZİYYAT VƏ TEXNİKA ELMLƏRİ BÖLMƏSİ
| AZE | ENG | RUS |

Xəbərlər

[31.10.2022]

“İşğaldan azad olunmuş ərazilərdə radioloji və kimyəvi risklər” adlı Respublika Elmi-Texniki Konfransının yekun iclası keçirilib

“Şuşa ili”nə həsr olunmuş “İşğaldan azad olunmuş ərazilərdə radioloji və kimyəvi risklər” adlı Respublika Elmi-Texniki Konfransının yekun iclası keçirilib.

Mədəniyyətimizin beşiyi sayılan tarixi Şuşa şəhərində keçirilən yekun iclasda əvvəlcə ölkəmizin ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, şanlı qələbələri ilə bizlərə qürur verən Azərbaycan ordusunun 44 günlük Zəfər yolundan, Şuşa şəhərinin tarixindən söhbət açılıb.

Məşhur Cıdır düzündə keçirilən bağlanış mərasimində Konfransa təqdim olunan mövzular üzrə gələcəkdə aparılacaq tədqiqatlarla bağlı fikir mübadiləsi aparılıb, təklif və rəylər səsləndirilib.

Daha sonra Radiasiya Problemləri İnstitutunun rəhbərliyi və əməkdaşları, Konfransın Təşkilat Komitəsinin üzvləri, eləcə də tədbirdə iştirak edən müvafiq dövlət qurumlarının nümayəndələri tarixi Şuşa qalasını, Molla Pənah Vaqifin məqbərəsini, Xurşidbanu Natəvanın ev muzeyini ziyarət ediblər.


 

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.