Xəbərlər

      29 fevral 2016–cı il tarixində AMEA Radiasiya Problemləri İnstitutunda növbəti elmi seminar keçirilmişdir. Seminarda AMEA RPI-nin “Polimer və elektroaktiv materialların radiasiya fizikası” laboratoriyasının əməkdaşı, k.e.i. Nəbi Əliyevin “Polimer kompozitlərin elektrofiziki xassələrinə qamma şüalanmanın təsiri” mövzusunda məruzəsi dinlənilmişdir. Məruzəçi yüksək sıxlıqlı polietilen (YSPE) və metal oksidləri (TiO₂, Fe₂O₃) əsasında alınmış kompozit materialların elektrik keçiriciliyi və dielektrik parametrlərinə qamma şüalanmanın təsiri istiqamətində apardığı tədqiqat işləri haqqında seminar iştirakçılarına məlumat vermişdir. Məruzəçinin çıxışı ətrafında müzakirələr və nəticələrin müqayisəli təhlili aparılmışdır.

© Bütün hüquqlar qorunur. Xəbərlərdən istifadə edərkən www.irp.science.az saytına istinad zəruridir.