Xəbərlər

       AMEA Radiasiya Problemləri Institutunun şöbə rəhbəri fizika üzrə fəlsəfə doktoru, dosent Mətanət Mehrabova 27-29.08.2014 tarixində Çexiya Respublikasının Praqa şəhərində keçirilən Photonics Prague 2014 Beynəlxalq Konfransında dəvətli məruzəçi kimi “ CdMnTe yarımmaqnit yarımkeçiricilərinin elektrofiziki xassələri və müxtəlif yük hallarında defektlərin yaranma enerjisi” adlı məruzə ilə çıxış etmişdir. 22 ölkənin iştirakı ilə keçirilən beynəlxalq konfransda M.Mehrabovanın məruzəsi maraqla qarşılanmış, iştirakçıları maraqlandıran suallar cavablandırılmışdır. Konfransın sədri prof. Pavel Tomanek, plenar məruzəçi prof. İ.M.Dharmadasa, prof. Ronald İ. Lachmayer, prof. M.P.Mixaylova, Dr.D.Senderakova, Dr. H.Strese və başqa alimlərlə müzakirələr aparılmış və gələcək birgə iş planları müzakirə edilmişdir. Konfransda iştirak UETM-nin dəstəyi ilə baş tutmuşdur.