Xəbərlər

      AMEA Radiasiya Problemləri İnstitutunun şöbə rəhbəri, fizika üzrə fəlsəfə doktoru, dosent Mətanət Mehrabova və şöbənin mühəndisi Vüsalə Poladova 13-22 iyun 2015-ci il tarixində Türkiyənin Ankara şəhərindəki Orta Doğu Texniki Universitetində (ODTU) Metallurgiya və Materiallar Mühəndisliyi Departamentində ezamiyətdə olmuşlar.
      Onlar, Metallurgiya və Materiallar Mühəndisliyi Departamentinin Yüksək Texnologiyalı Materialların Dizaynı və İnkişaf etdirilməsi labortoriyasında aparılan elmi tədqiqat ishləri ilə tanış olmuş, “Monte Karlo” nəzəri hesablama metodunun işləmə prinsipini öyrənmişlər. ODTU-nun Metallurgiya və Materiallar Mühəndisliyi Departamentinin Yüksək Texnologiyalı Materialların Dizaynı və İnkişaf etdirilməsi labortoriyası ilə AMEA –nın Radiasiya Problemləri İnstitutu arasında birgə əməkdaşlıq perspektivləri müəyyən edilmişdir.