Xəbərlər

Azərbaycan Milli Elmlər Akademiyası Prezidentinin 17 may 2021-ci il tarixli Sərəncamına əsasən Radiasiya Problemləri İnstutunun magistraturasında yay imtahan sessiyasına başlanılıb.

Azərbaycan Milli Elmlər Akademiyasının (AMEA) Radiasiya Problemləri İnstitutunda Fransa-Azərbaycan Universitetinin (UFAZ) rəhbər heyəti ilə görüş keçirilib. UFAZ-ın təşəbbüsü ilə keçirilən görüşdə Radiasiya Problemləri İnstitutunun Baş direktoru, AMEA-nın müxbir üzvü İslam Mustafayev, İnstitutun laboratoriya rəhbərləri – professor Müslüm Qurbanov və professor Teymur Ağayev, UFAZ-ın direktoru Dr. Vazeh Əsgərov, Bölmə rəhbəri Dr. Filippe Turek və baş elmi katib Dr. Elizabeta Bydanova iştirak edib.

Azərbaycan Milli Elmlər Akademiyasının (AMEA) Radiasiya Problemləri İnstitutunda magistr dissertasiya işlərinin ilkin müzakirəsi üzrə yığıncaq keçirilib.

Azərbaycan Milli Elmlər Akademiyasının (AMEA) Radiasiya Problemləri İnstitutunun “Radioekologiya” laboratoriyasının əməkdaşları – professor Rövşən Xəlilov və dosent Aygün Nəsibovanın həmmüəllifi olduğu məqalə Web of Science bazasında indeksləşən “Eurasian Chemical Communications” jurnalında dərc olunub.

Hörmətli həmkarlar!

1918-ci il mayın 28-də Qafqazda mövcud gərgin ictimai-siyasi şəraitdə Azərbaycan Milli Şurası tərəfindən “İstiqlal Bəyannaməsi”nin imzalanması ilə müsəlman Şərqində ilk parlamentli respublika, demokratik, hüquqi və dünyəvi dövlət olan Azərbaycan Xalq Cümhuriyyətinin əsası qoyulmuş oldu.

Cümhuriyyətin elan edilməsi xalqımızın əsrlərlə mövcud olmuş dövlətçilik ənənələrinin XX əsrin ilk onilliyində bərpası və eyni zamanda, tarixi torpaqlarımızda müstəqil milli dövlətimizin yaranmasının təcəssümü idi.

AMEA-nın Ümumi yığıncağında Akademiyanın Rəyasət Heyətinin rəhbər vəzifələrinə və üzvlüyünə seçkilər keçirilib.

Gizli səsvermənin nəticələrinə əsasən, akademik Arif Həşimov AMEA-nın akademik-katibi vəzifəsinə seçilib.

Möhtərəm cənab Prezident!

Sizin qətiyyətiniz və müdrik rəhbərliyiniz, eləcə də müzəffər ordumuzun misilsiz şücaəti sayəsində 44 günlük Vətən müharibəsində əldə edilən tarixi qələbə nəticəsində Azərbaycan Milli Elmlər Akademiyası 2021-ci ildə öz Ümumi yığıncağını tamamilə fərqli bir ab-havada, qalib ölkənin elm məbədi kimi xüsusi bir fərəh hissi ilə keçirir. Şübhəsiz ki, bu yığıncaq AMEA-nın tarixinə əlamətdar, yaddaqalan hadisə kimi həmişəlik həkk olunacaqdır.

AMEA-nın Ümumi yığıncağında AMEA Rəyasət Heyətinin rəhbər vəzifələrinə və üzvlüyünə seçkilər keçirilib. Bu məqsədlə akademik Vaqif Fərzəliyev sədr olmaqla 5 nəfərdən ibarət hesablayıcı komissiya yaradılıb. Gizli səsvermədə 46 üzv iştirak edib.

Azərbaycan Respublikasının Prezidenti yanında Ali Attestasiya Komissiyasının sədri Famil Mustafayev AMEA-nın 27 may 2021-ci il tarixində keçirilən Ümumi Yığıncağında çıxış edib.

O, Prezident İlham Əliyevin rəhbərliyi ilə bütün sahələri əhatə edən kompleks və ardıcıl islahatların tərkib hissəsi kimi ölkəmizdə yüksəkixtisaslı elmi və elmi-pedaqoji kadrların hazırlanması, elmi dərəcə və elmi adların verilməsi sahəsində komissiyanın son iki ili əhatə edən fəaliyyətinə dair atılmış addımlar, yenilənmiş normativ sənədlər, əlavə və dəyişiklik edilmiş qaydalar barədə məlumat verib.

AMEA-nın Nizamnamə Komissiyasının yeni tərkibi təsdiq olunub.

Bu barədə qərar AMEA-nın 27 may 2021-ci il tarixində keçirilən Ümumi Yığıncağında qəbul olunub.

Qərara əsasən, akademik İsa Həbibbəyli yenidən komissiyanın sədri seçilib.

AMEA-nın 27 may 2021-ci il tarixində keçirilən Ümumi Yığıncağında AMEA-nın vitse-prezidenti, akademik İsa Həbibbəyli AMEA-nın Nizamnaməsinə əlavə və dəyişikliklər edilməsi məsələsi ilə bağlı çıxış edib.

İ.Həbibbəyli Akademiyanın fəaliyyətini tənzimləyən əsas normativ hüquqi sənəd olan AMEA-nın Nizamnaməsinin ilk dəfə ümummilli lider Heydər Əliyev tərəfindən 2003-cü ildə təsdiq edildiyini bildirib. O, bu sənədin müstəqillik dövrünə uyğunlaşma prosesinin nizamnaməsi hesab olunduğunu vurğulayıb. Akademik qeyd edib ki, ölkənin sürətli sosial-iqtisadi inkişafı, cəmiyyətin bütün istiqamətlərdə əsaslı şəkildə yenilənməsi, hüquqi dövlət quruculuğu sahəsindəki nailiyyətləri elmi fəaliyyətin idarə edilməsi baxımından da köklü islahatların həyata keçirilməsi zərurətini yaratmışdır.

27 may 2021-ci il tarixində AMEA Rəyasət Heyətinin böyük konfrans zalında hibrid rejimdə Azərbaycan Milli Elmlər Akademiyasının Ümumi yığıncağı keçirilib.

Tədbirdə AMEA-nın rəhbərliyi, Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, Azərbaycan Respublikası Baş Nazirinin müavini Əli Əhmədov, Azərbaycan Respublikasının nəqliyyat, rabitə və yüksək texnologiyalar naziri Rəşad Nəbiyev, Azərbaycan Respublikasının Xarici İşlər nazirinin müavini, ADA Universitetinin rektoru Hafiz Paşayev, Azərbaycan Respublikasının Prezidenti yanında Ali Attestasiya Komissiyasının sədri Famil Mustafayev, Dövlət İmtahan Mərkəzinin Direktorlar Şurasının sədri Məleykə Abbaszadə, akademiyanın həqiqi üzvləri və digər dövlət rəsmiləri fiziki, AMEA-nın müxbir üzvləri isə onlayn rejimdə iştirak ediblər.

AMEA-nın Radiasiya Problemləri İnstitutuna baş direktor təyinatı olub. İnstitutun yeni baş direktoru, AMEA-nın müxbir üzvü İslam Mustafayev kollektivə təqdim olunub.

Tədbirdə AMEA-nın birinci vitse-prezidenti, akademik Dilqəm Tağıyev, AMEA-nın vitse-prezidenti, akademik Rasim Əliquliyev, AMEA-nın akademik-katibi, akademik Adil Qəribov və institutun Elmi şurasının üzvləri iştirak ediblər.

Əvvəlcə akademik Dilqəm Tağıyev çıxış edərək tədbir iştirakçılarını qarşıdan gələn 28 May – Respublika Günü münasibətilə təbrik edib.

Daha sonra o, AMEA-nın müxbir üzvü İslam Mustafayevi kollektivə təqdim edib. Bildirib ki, İslam Mustafayev 1973-cü ildə Azərbaycan Dövlət Universitetinin Fizika fakültəsini bitirdikdən sonra Milli Elmlər Akademiyasının Radiasiya Tədqiqatları Sektorunda işləməyə başlayıb. O, 1992-ci ildən Radiasiya Problemləri İnstitutunda laboratoriya rəhbəri kimi fəaliyyət göstərib. 2014-cü ildə AMEA-nın müxbir üzvü seçilib.

Azərbaycan Milli Elmlər Akademiyası (AMEA) Radiasiya Problemləri İnstitutu, AMEA Gənc Alim və Mütəxəssislər Şurası və “Xalq-Prezident həmrəyliyi” Diskussiya Klubunun birgə təşkilatçılığı ilə Ümummilli Lider Heydər Əliyevin doğum gününə həsr olunmuş onlayn konfrans keçirilib.

“Heydər Əliyev və Azərbaycan elmi: həmrəylik və inkişaf yolu” mövzusunda keçirilən konfransda giriş sözü ilə çıxış edən Radiasiya Problemləri İnstitutunun İcraçı direktoru, fizika-riyaziyyat üzrə fəlsəfə doktoru, dosent Rəvan Mehdiyeva bildirib ki, Ulu Öndər Heydər Əliyev təkrarolunmaz keyfiyyətlərə malik dahi şəxsiyyətdir. Azərbaycan dövlətçiliyinin söykəndiyi təməl prinsiplərinin Heydər Əliyev tərəfindən yaradıldığını qeyd edən R. Mehdiyeva Ulu Öndərin fəaliyyəti və qətiyyətli qərarları ilə müstəqilliyimizin formalaşmasında, ölkədə sabitliyin əldə olunmasında, eləcə də Azərbaycanın dünya ölkələri arasında nüfuzunun yüksəldilməsində müstəsna xidmətlər göstərdiyini diqqətə çatdırıb. Məhz buna görə də, xalqımız Ümummilli Lider Heydər Əliyevi müstəqil Azərbaycan dövlətinin memarı adlandırıb.