Xəbərlər

Azərbaycan Milli Elmlər Akademiyasının (AMEA) Radiasiya Problemləri İnstitutunun “Ətraf mühit üçün zərərli faktorların fizika və kimyası laboratoriyası”nın rəhbəri, dosent Famil Hümbətov Beynəlxalq Konfransda iştirak edib.

Azərbaycan Milli Elmlər Akademiyasının (AMEA) Radiasiya Problemləri İnstitutunun (RPİ) “İnnovativ İonlaşdırıcı Şüa Qəbulediciləri” laboratoriyasının əməkdaşları ilə Türkiyənin Bolu Abant İzzet Baysal Universitetinin Nüvə Radiasiya Detektorları Tətbiq və Araştırma Mərkəzinin əməkdaşları arasında görüş keçirilib.

Azərbaycan Milli Elmlər Akademiyasının (AMEA) Radiasiya Problemləri İnstitutunda 2021-ci il yay imtahan sessiyası üzrə doktorluq imtahanları keçirilib.

Azərbaycan Milli Elmlər Akademiyasının (AMEA) Radiasiya Problemləri İnstitutunun alimi, fizika üzrə fəlsəfə doktoru Fərid Əhmədovun “Yeni MAPD-3NM silisium fotogücləndiricilərinin fiziki parametrlərinin araşdırılması və tətbiqi” adlı işi beynəlxalq seminarda müzakirə edilib.

Bu gün ölkəmizdə torpaq ehtiyatlarının öyrənilməsi üzrə tanınmış alim, Radiasiya Problemləri İnstitutunun Radioekologiya laboratoriyasının müdiri, AMEA-nın müxbir üzvü Mahmud Abdullayevin 80 yaşı tamam olur.

AMEA-nın Fəlsəfə və Sosiologiya İnstitutu tərəfindən “Süni intellekt, qeyri-səlis məntiq və fəlsəfə” elektron almanaxı hazırlanıb.

Hörmətli həmkarlar!

Bu il 103 yaşını qeyd etdiyimiz Azərbaycan Silahlı Qüvvələri dövlət müstəqilliyimizin qarantı, xalqımızın güvən yeri və Azərbaycan xalqının şücaət rəmzidir.

1918-ci il mayın 28-də müstəqilliyini elan etmiş Azərbaycan Xalq Cümhuriyyətinin rəhbərliyi xarici müdaxilələrdən qorunmaq, daxili düşmən qüvvələrini zərərsizləşdirmək üçün silahlı qüvvələrin yaradılmasının vacibliyini dərk edirdi və həmin il iyunun 26-da AXC-nin Nazirlər Şurasının qərarı ilə Əlahiddə Korpus yaradıldı, avqustun 1-də isə Hərbi Nazirlik təsis olundu. General Səməd bəy Mehmandarov və general-leytenant Əliağa Şıxlinskinin rəhbərliyi altında qısa müddətdə Milli Ordu quruculuğuna başlanıldı və bir çox hərbi uğurlara imza atıldı.

Rusiya Elmlər Akademiyası ilə elm, təhsil və texnologiyalar sahəsində qarşılıqlı əməkdaşlığın genişləndirilməsi və hər iki tərəf üçün prioritet hesab olunan sahələr üzrə elmi əlaqələrin gücləndirilməsi məqsədilə AMEA prezidenti akademik Ramiz Mehdiyevin tapşırığı ilə Azərbaycan Milli Elmlər Akademiyasının vitse-prezidenti, akademik İbrahim Quliyev və AMEA-nın akademik-katibi, akademik Arif Həşimov 21-24 iyun 2021-ci il tarixlərində Rusiya Federasiyasının paytaxtı Moskva şəhərində rəsmi səfərdə olublar.

AMEA Rəyasət Heyəti aparatının rəhbəri, dosent Seyfəl Həsənovun rəhbərliyi ilə AMEA-nın Ümumi yığıncağının 27 may 2021-ci il tarixli 1/1 nömrəli qərarının icrasından irəli gələn vəzifələr və qarşıda duran məsələlər barədə iclas keçirilib.

2018-ci ildən Abşeron rayonu, Saray qəsəbəsi Masazır gölünün yaxınlığında AMEA-nın əməkdaşları üçün “Alimlər şəhərciyi” kompleksinin inşasına başlanılıb. 7 hektar ərazini əhatə edən kompleksdə binalarla yanaşı, bağça, orta məktəb və poliklinika kimi müxtəlif obyektlərin inşası da planlaşdırılır.

AMEA Rəyasət Heyətinin həftəlik mətbu orqanı olan “Elm” qəzetinin yeni sayı işıq üzü görüb.

Qəzetin ilk səhifəsində Prezident İlham Əliyevin İslam Əməkdaşlıq Təşkilatının Elm və Texnologiya üzrə ikinci Zirvə toplantısında videoformatda çıxışı yer alıb.

Azərbaycan Milli Elmlər Akademiyasının (AMEA) Radiasiya Problemləri İnstitutunun “Radiokimya” laboratoriyasının mühəndisi, fəlsəfə doktoru hazırlığı üzrə dissertrant, baş leytenant Qəribov Ramin Qərib oğlu “Azərbaycan Respublikası Silahlı Qüvvələrinin hərbi qulluqçularının təltif edilməsi haqqında” Azərbaycan Respublikası Prezidentinin 24 iyun 2021-ci il tarixlı Sərəncamları ilə “Xocavəndin azad olunmasına görə” və “Füzulinin azad olunmasına görə” medalları ilə təltif edilmişdir.

Azərbaycan Milli Elmlər Akademiyasının (AMEA) Radiasiya Problemləri İnstitutunun Elmi Şurasının növbəti iclası keçirilib.

İclasda giriş sözü ilə çıxış edən RPİ-nin Baş direktoru, AMEA-nın müxbir üzvü İslam Mustafayev Gündəlikdəki məsələləri iclas iştirakçılarının diqqətinə çatdırıb.

İyunun 15-də Şuşada Azərbaycan və Türkiyə respublikaları arasında imzalanan Şuşa Bəyannaməsi türk dünyasının 2 dahi liderinin vəsiyyətlərinin ardıcıl və davamlı olaraq yerinə yetirilməsinə əbədi yol açdı. Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” və Azərbaycan xalqının ümummilli lideri Heydər Əliyevin “Bir millət, iki dövlət” ifadələri bu Bəyannamə ilə öz tarixi təsdiqini tapdı. Şuşa Bəyannaməsi hər 2 ölkə tərəfindən ardıcıl olaraq yüksək səviyyədə həyata keçirilən, dostluq, qardaşlıq, həmrəylik, tərəfdaşlıq prinsipləri Azərbaycanın və Türkiyənin inkişafının demək olar ki, bütün sahələrini əhatə edir. Dünyanın super dövlətlərinin diqqət mərkəzində olan regionun mühüm problemlərini əhatə edən bu Bəyannamə həm regionun bütövlükdə inkişafına və təhlükəsizliyinə yol açır, həm də Azərbaycanın və Türkiyənin suverenliyini, bölgədə olan liderliyini təmin edir.