İçindəki
Xəbərlər
12 noyabr - Konstitusiya Günüdür
12 noyabr - Azərbaycan Respublikasının Konstitusiya Günüdür. Bu gün Azərbaycan Respublikası Konstitusiyasının qəbul edilməsindən 26 il ötür.
Müstəqil Azərbaycanın ulu öndər Heydər Əliyevin rəhbərliyi ilə hazırlanan ilk Konstitusiyası 1995-ci il noyabrın 12-də keçirilmiş ümumxalq səsverməsi (referendum) yolu ilə qəbul edilib. Dövlətin Əsas Qanunu 1995-ci il noyabrın 27-də qüvvəyə minib.
Azərbaycan Respublikası Prezidentinin 2019-cu il 14 fevral tarixli 961 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” Azərbaycan Respublikası Prezidentinin 2019-cu il 14 fevral tarixli 961 nömrəli Sərəncamında (Azərbaycan Respublikasının Qanunvericilik Toplusu, 2019, № 2, maddə 291) aşağıdakı dəyişikliklər edilsin:
İnstitutda “8 Noyabr – Zəfər Günü”nə həsr olunmuş tədbir keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunda RPİ-nin Qadınlar Şurası ilə birgə “8 Noyabr – Zəfər Günü”nə həsr olunmuş tədbir keçirilib.
Tədbirdə əvvəlcə Azərbaycan Respublikasının Dövlət Himni səsləndirilib. Daha sonra Vətənin ərazi bütövlüyü uğrunda canlarını qurban vermis şəhidlərimizin müqəddəs ruhları bir dəqiqəlik sükutla yad edilib.
Tədbirdə giriş sözü ilə çıxış edən RPİ-nin İcraçı direktoru və Qadınlar Şurasının sədri, fizika-riyaziyyat üzrə fəlsəfə doktoru, dosent Rəvan Mehdiyeva Müzəffər Ali Baş Komandanımızın uğurlu siyasəti və rəşadətli Azərbaycan Silahlı Qüvvələrinin qəhrəmanlığı sayəsində qazanılan tarixi Zəfərin birinci ildönümü - Zəfər Günü münasibəti ilə İnstitutun çoxsaylı kollektivini rəhbərlik adından təbrik edib və onlara fəaliyyətlərində uğurlar arzu edib.
İnstitutun Baş direktorunun “8 Noyabr – Zəfər Günü” təbriki
Hörmətli həmkarlar!
Biz xoşbəxtik ki, əzəli və əbədi yurd yerlərimizin düşmən tapdağından azad olunmasını, Vətənin ərazi bütövlüyünü müjdələyən 8 Noyabr – Zəfər Gününü milli birlik və həmrəylik içində qeyd edirik. Biz həm də xoşbəxt bir nəsilik ki, müstəqil Azərbaycanda yaşayırıq və bu sevincli, qələbə dolu günlərə, bayramlara şahidlik edirik.
Müzəffər Ali Baş Komandanımızın uğurlu siyasəti və rəşadətli Azərbaycan Silahlı Qüvvələrinin qəhrəmanlığı sayəsində qazanılan tarixi Zəfərin birinci ildönümü 8 Noyabr – Zəfər Günü münasibətilə Sizi səmimi qəlbdən təbrik edir, ölkəmizin inkişafı naminə elmi fəaliyyətinizdə uğurlar arzulayıram.
Yaşasın Azərbaycan! Qarabağ Azərbaycandır!
İslam Mustafayev
Radiasiya Problemləri İnstitutunun Baş direktoru,
AMEA-nın müxbir üzvü, professor
İnstitut aliminin daha bir uğuru: “ən gənc elmlər doktoru”
İnstitut aliminin daha bir uğuru: “ən gənc elmlər doktoru”
Bu günlərdə Azərbaycan Milli Elmlər Akademiyası (AMEA) Radiasiya Problemləri İnstitutunun böyük elmi işçisi Elçin Hüseynova Azərbaycan Respublikasının Prezidenti yanında Ali Attestasiya Komissiyasının (AAK) qərarı ilə fizika üzrə elmlər doktoru elmi dərəcəsi verilib.
1986-cı ildə Saatlı rayonunda anadan olan Elçin Hüseynov 2010-cu ildən AMEA Radiasiya Problemləri İnstitutunun əməkdaşıdır. 2011-ci ildə İnstitutda Radiasiya Materialşünaslığı ixtisası üzrə doktoranturaya daxil olan gənc alim 2014-cü ildə fizika üzrə fəlsəfə doktoru elmi dərəcəsi alıb və həmin ildən etibarən Milli Nüvə Tədqiqatları Mərkəzinin “Radiasiya materialşünaslığı və radiasion nanotexnologiya” şöbəsinin müdiridir.
Akademik Mahmud Kərimovun xatirəsi anılıb
Azərbaycan Milli Elmlər Akademiyasının (AMEA) Radiasiya Problemləri İnstitutunun kollektivi Fəxri xiyabanda AMEA-nın sabiq prezidenti, akademik Mahmud Kərimovun anadan olmasının 73 illiyi münasibətilə görkəmli alimin məzarını ziyarət edib, qəbirüstü abidəsi önünə əklil və gül dəstələri qoyublar.
İnstitutda “Müstəqilliyimiz əbədidir, dönməzdir!” adlı tədbir keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunda 18 Oktyabr–“Müstəqilliyin Bərpası Günü”nə həsr olunmuş “Müstəqilliyimiz əbədidir, dönməzdir!” adlı tədbir keçirilib.
Tədbirdə əvvəlcə Azərbaycan Respublikasının Dövlət Himni səsləndirilib.
Tədbirdə giriş sözü ilə çıxış edən RPİ-nin Baş direktoru, AMEA-nın müxbir üzvü, professor İslam Mustafayev və İnstitutun İcraçı direktoru, fizika-riyaziyyat üzrə fəlsəfə doktoru, dosent Rəvan Mehdiyeva Azərbaycanın Müstəqillik Günü və Müstəqilliyin Bərpası Günü, eləcə də dövlət müstəqilliyimizin bərpasında və möhkəmlənməsində ulu öndər Heydər Əliyevin xidmətləri barədə məlumat veriblər.
İnstitutda Elmi Şuranın növbəti iclası keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunun Elmi Şurasının növbəti iclası keçirilib.
İclasda giriş sözü ilə çıxış edən RPİ-nin Baş direktoru, AMEA-nın müxbir üzvü İslam Mustafayev Gündəlikdəki məsələləri iclas iştirakçılarının diqqətinə çatdırıb.
İnstitutun Gənc Alim və Mütəxəssislər Şurasının yeni tərkibdə ilk iclası keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunun Gənc Alim və Mütəxəssislər Şurasının (GAMŞ) yeni tərkibdə ilk iclası keçirilib.
İclasda giriş sözü ilə çıxış edən İnstitut Gənc Alim və Mütəxəssislər Şurasının sədri, fizika üzrə fəlsəfə doktoru Günel İmanova iştirakçıları salamlayıb və Şura üzvlərinə göstərilən bu etimadı doğrultmaq üçün əzmlə çalışmağın vacibliyini vurğulayıb.
Radiasiya Problemləri İnstitutunda Gənc Alim və Mütəxəssislər Şurasına yeni sədr seçilib
Bu Azərbaycan Milli Elmlər Akademiyasının (AMEA) Radiasiya Problemləri İnstitutunda Gənc Alim və Mütəxəssislər Şurasının yeni tərkibinin yaradılması ilə əlaqədar iclas keçirilib.
İclasda əvvəlcə Radiasiya Problemləri İnstitutunun Baş direktoru, AMEA-nın müxbir üzvü, professor İslam Mustafayev çıxış edərək elmdə gəncliyin rolundan danışıb, gənclərin daha aktiv fəaliyyət göstəeməsinin vacibliyini vurğulayıb.
İnstitutun alimi beynəlxalq jurnalın redaksiya heyətinin üzvü seçilib
Azərbaycan Milli Elmlər Akademiyasının (AMEA) Radiasiya Problemləri İnstitutunun “Bərpa olunan enerji növlərinin çevrilməsi” laboratoriyasının aparıcı elmi işçisi, Beynəlxalq Ekoenergetika Akademiyasının fəxri doktoru və professoru, fizika üzrə fəlsəfə doktoru Oktay Salamov Polşada nəşr olunan “Collocuium-journal” adlı beynəlxalq elmi jurnalın redaksiya heyətinə üzv seçilib.
AMEA-nın müxbir üzvü İslam Mustafayev AEBA-nın Baş Konfransının 65-ci sessiyasında iştirak edib
Azərbaycan Milli Elmlər Akademiyasının (AMEA) Radiasiya Problemləri İnstitutunun Baş direktoru, AMEA-nın müxbir üzvü, professor İslam Mustafayev Atom Enerjisi üzrə Beynəlxalq Agentliyin (AEBA) Baş Konfransının 65-ci sessiyasında iştirak edib.
Avstriyanın Vyana şəhərində təşkil edilən tədbirdə İ.Mustafayev Azərbaycanı təmsil edən nümayəndə heyətinin tərkibində AEBA-nın Texniki yardım Təşkilatı və qurumun Nüvə təhlükəsizliyi Departamenti, eləcə də Türkiyə, Pakistan və Argentina nümayəndə heyətləri ilə keçirilən görüşlərdə iştirak edib.
İnstitutun əməkdaşları beynəlxalq forumda iştirak ediblər
Azərbaycan Milli Elmlər Akademiyasının (AMEA) Radiasiya Problemləri İnstitutunun Təhsil şöbəsinin müdiri, fizika üzrə fəlsəfə doktoru Əminə Mikayılova və İctimaiyyətlə əlaqələr şöbəsinin müdiri Baba Əliyev “Təhsildə Yeni Çağırışlar” II Beynəlxalq Forumunda iştirak edib.
FRTEB-in Ümumi yığıncağında enerji təhlükəsizliyinin aktual elmi-praktiki problemləri və həlli yolları müzakirə olunub
Azərbaycan Milli Elmlər Akademiyasının (AMEA) Fizika-Riyaziyyat və Texnika Elmləri Bölməsinin (FRTEB) Ümumi yığıncağının növbəti onlayn iclası keçirilib.
Tədbirdə FRTEB üzrə AMEA-nın həqiqi və müxbir üzvləri, elmi müəssisələrin baş direktorları və icraçı direktorları, elmi katibləri, təhsil, ictimaiyyətlə əlaqələr və beynəlxalq əlaqələr şöbələrinin rəhbərləri, eyni zamanda mavafiq dövlət qurumlarının nümayəndələri və nazirliklərin nəzdində fəaliyyət göstərən elmi müəssisə və təşkilatların məsul şəxsləri, Türkiyə, Almaniya, Danimarka və Norveçdən olan mütəxəssislər iştirak ediblər.