İçindəki
Xəbərlər
Rusiya Elmlər Akademiyasının nümayəndə heyəti Fəxri xiyabanda ümummilli lider Heydər Əliyevin məzarını ziyarət edib
25-27 noyabr 2021-ci il tarixlərində Rusiya Elmlər Akademiyasının (REA) prezidenti, akademik Aleksandr Sergeyevin başçılıq etdiyi nümayəndə heyəti Azərbaycanda rəsmi səfərdədir.
Noyabrın 26-da REA prezidenti, akademik Aleksandr Sergeyev, vitse-prezident, akademik Yuriy Baleqa, prezidentin müşaviri, hüquq elmləri doktoru Rəşad Qurbanov, prezidentin Katibliyinin rəisi Valeriya Belyanina və REA-nın Beynəlxalq əlaqələr idarəsinin rəis müavini Olqa Qluxovtsevanın daxil olduğu nümayəndə heyəti Azərbaycan Milli Elmlər Akademiyası rəhbərliyinin nümayəndələri ilə birlikdə Fəxri xiyabanı ziyarət ediblər.
“Elm” qəzetinin cari ildə 41 və 42-ci sayları çap olunub
AMEA Rəyasət Heyətinin həftəlik mətbu orqanı olan “Elm” qəzetinin cari ildə 41 və 42-ci nömrələri işıq üzü görüb.
Qəzetin ilk səhifəsində Prezident İlham Əliyevin Rusiya Federasiyasının Elmlər Akademiyasının prezidentinin başçılıq etdiyi nümayəndə heyəti ilə görüşünə dair məlumat yer alıb.
Prezident İlham Əliyev Rusiya Elmlər Akademiyasının prezidentinin başçılıq etdiyi nümayəndə heyətini qəbul edib
Azərbaycan Respublikasının Prezidenti İlham Əliyev noyabrın 25-də Rusiya Elmlər Akademiyasının prezidenti Aleksandr Sergeyevin başçılıq etdiyi nümayəndə heyətini qəbul edib.
Görüşdə Azərbaycanla Rusiya Federasiyası arasında ikitərəfli münasibətlərin müxtəlif sahələrdə uğurla inkişaf etdiyi qeyd olundu və əlaqələrimizin inkişafında humanitar sferada, o cümlədən elmi sahədə əməkdaşlığın rolu vurğulandı. Bu sahədə əməkdaşlığımızın zəngin tarixə malik olduğu bildirildi və müasir dövrdə bu əməkdaşlığın daha da möhkəmləndirilməsinin önəminə toxunuldu.
Rusiya Elmlər Akademiyası prezidentinin rəhbərlik etdiyi nümayəndə heyəti Azərbaycanda səfərdədir
Rusiya Elmlər Akademiyasının (REA) prezidenti, akademik Aleksandr Sergeyevin başçılıq etdiyi nümayəndə heyəti bu gün Azərbaycana səfərə gəlib.
Nümayəndə heyətinin tərkibinə REA-nın vitse-prezidenti, akademik Yuriy Baleqa, REA-nın prezidentinin müşaviri, hüquq elmləri doktoru Rəşad Qurbanov, REA-nın prezidentinin Katibliyinin rəisi Valeriya Belyanina və REA-nın Beynəlxalq əlaqələr idarəsinin rəis müavini Olqa Qluxovtseva daxildir.
AMEA-nın müxbir üzvü İslam Mustafayev: “Azərbaycanda alternativ enerjinin tətbiqi ilə sudan hidrogenin alınması perspektivli istiqamətlərdəndir”
Noyabrın 22-də görkəmli alim, Nyu-York Elmlər Akademiyası və Dayanıqlı İnkişaf üzrə Beynəlxalq Akademiyanın üzvü, AMEA-nın Radiasiya Problemləri İnstitutunun (RPİ) baş direktoru, “Tərəqqi” medallı, AMEA-nın müxbir üzvü, professor İslam Mustafayevin 70 yaşı tamam olub.
Ömrünün 48 ilini elmə həsr etmiş alim radiasiya tədqiqatları sahəsində çoxsaylı elmi araşdırmaların müəllifidir. İ.Mustafayevin fəaliyyətinin əsas istiqamətlərini ionlaşdırıcı şüalanma və ultrabənövşəyi şüalanmanın maddələrə təsiri nəticəsində, xüsusilə neft məhsullarında baş verən proseslərin, eləcə də ətraf mühit problemlərinin öyrənilməsi təşkil edir. İ.Mustafayev müasir dövrdə Azərbaycanın daxil olduğu konvensiyalarda icraçı qrupun üzvü olmuş, ölkənin iqlim dəyişiklikləri ilə bağlı hesabatlarının hazırlanmasında yaxından iştirak etmiş, bərk məişət tullantıları ilə bağlı layihənin və bir sıra digər layihələrin koordinatoru və eksperti olmuşdur.
AMEA Rəyasət Heyətinin iclası keçirilib
Noyabrın 24-də Azərbaycan Milli Elmlər Akademiyası Rəyasət Heyətinin növbəti iclası keçirilib.
İclasda AMEA-nın prezidenti, akademik Ramiz Mehdiyev, Rəyasət Heyətinin digər üzvləri akademiklər – Arif Həşimov, İsa Həbibbəyli, İbrahim Quliyev, Dilqəm Tağıyev, Rasim Əliquliyev, Tofiq Nağıyev, Cəmil Əliyev, Gövhər Baxşəliyeva, Fikrət Əliyev, Adil Qəribov, eləcə də Rəyasət Heyətinin aparat rəhbəri, filologiya üzrə fəlsəfə doktoru, dosent Seyfəl Həsənov, AMEA prezidenti katibliyinin rəisi, siyasi elmlər üzrə fəlsəfə doktoru, dosent Eldar Əmirov və aidiyyəti üzrə dəvət olunmuş şəxslər iştirak ediblər.
FRTEB-in Ümumi yığıncağı AMEA-nın müxbir üzvü İslam Mustafayevin 70 illik yubileyinin keçirilməsi barədə Rəyasət Heyəti qarşısında vəsatət qaldırıb
Noyabrın 22-də kimyа еlmləri dоktоru, professor, Azərbaycan Milli Elmlər Akademiyasının (AMEA) müxbir üzvü İslam Mustafayevin 70 yaşı tamam olur.
Bu barədə AMEA-nın Fizika-Riyaziyyat və Texnika Elmləri Bölməsinin (FRTEB) Ümumi yığıncağının növbəti onlayn iclasında çıxış edən FRTEB-in Elmi şurasının sədr müavini, akademik Cavad Abdinov diqqətə çatdırıb ki, Mustafayev İslam İsrafil oğlu 1951-ci ildə Biləsuvar rayonunda anadan olub.
O, 1968-1973-cü illərdə Azərbaycan Dövlət Universitetinin (hazırda Bakı Dövlət Universiteti) fizikа fаkültəsində ali təhsil alıb, tətbiqi nüvə fizikаsı üzrə iхtisаslаşıb. 1973-cü ildə təyinatla Аzərbаycаn Еlmlər Аkademiyasının Rаdiаsiyа tədqiqаtlаrı sеktоrundа (indiki Rаdiаsiyа Prоblеmləri Institutu) başlayan İslam Mustafayev bаş lаbоrаnt vəzifəsindən institutun baş direktoru vəzifəsinə qədər еlmi yоl kеçib.
AMEA-nın müxbir üzvü İslam Mustafayevin 70 illik yubileyinə həsr olunmuş onlayn konfrans keçirilib
Azərbaycan Milli Elmlər Akademiyasının (AMEA) Radiasiya Problemləri İnstitutunun Baş direktoru, AMEA-nın müxbir üzvü, professor İslam Mustafayevin 70 illik yubileyinə həsr olunmuş onlayn konfrans keçirilib.
Konfransda Azərbaycan Respublikası Ekologiya və Təbii Sərvətlər Nazirliyi, Milli Nüvə Tədqiqatları Mərkəzi, Memarlıq və İnşaat Universiteti, eləcə də AMEA-nın müxtəlif institutlarından qonaqlar və Radiasiya Problemləri İnstitutunun çoxsaylı kollektivi iştirak edib.
Tədbiri giriş sözü ilə açan RPİ-nin İcraçı direktoru, fizika-riyaziyyat üzrə fəlsəfə doktoru, dosent Rəvan Mehdiyeva yubilyarın həyatı və elmi fəaliyyəti haqqında konfrans iştirakçılarına geniş məlumat verib.
17 Noyabr - Azərbaycanda Milli Dirçəliş Günüdür
Xalqımızın azadlıq mübarizəsinin əsas mərhələlərindən birini təşkil edən 17 Noyabr – Milli Dirçəliş Günü Azərbaycanın müstəqilliyinin bərpa edilməsində tarixi rol oynayıb.
Mənəvi əsaslarını və başlanğıcını ötən əsrin 60-cı illərindən götürən bu tarix sonralar ulu öndər Heydər Əliyevin siyasi uzaqgörənliyi və müdrikliyi ilə dönməz xarakter aldı, müstəqil Azərbaycan müasir inkişaf yoluna qədəm qoydu.
İnstitutda “Ən yaxşı məqalə” müsabiqəsinin qalibləri mükafatlandırılıb
Bu gün Azərbaycan Milli Elmlər Akademiyası (AMEA) Radiasiya Problemləri İnstitutunun Gənc Alim və Mütəxəssislər Şurasının “8 Noyabr - Zəfər günü” münasibətilə RPİ-nin Həmkarlar Təşkilatı ilə birgə İnstitutun gəncləri arasında elan etdiyi “Ən yaxşı məqalə” müsabiqəsinin qalibləri mükafatlandırılıb.
Tədbirdə çıxış edən İnstitutun Baş direktoru, AMEA-nın müxbir üzvü, professor İslam Mustafayev qalibləri təbrik edib və gələcək elmi fəaliyyətlərində onlara uğurlar arzu edib.
Fizika-Riyaziyyat və Texnika Elmləri Bölməsinin Ümumi yığıncağında biofiziki metodların tibbə tətbiqinə dair elmi nəticələr müzakirə olunub
Azərbaycan Milli Elmlər Akademiyasının (AMEA) Fizika-Riyaziyyat və Texnika Elmləri Bölməsinin (FRTEB) Ümumi yığıncağının növbəti onlayn iclası keçirilib.
Tədbirdə AMEA-nın həqiqi və müxbir üzvləri, FRTEB-in elmi müəssisələrinin baş direktorları və icraçı direktorları, elmi katibləri, təhsil, ictimaiyyətlə əlaqələr və beynəlxalq əlaqələr şöbələrinin rəhbərləri, eyni zamanda müvafiq dövlət qurumlarının, elm və ali təhsil müəssisələrinin nümayəndələri iştirak ediblər.
Dövlət Mükafatları Komissiyası 2022-ci il üçün dövlət mükafatlarına əsərlərin (işlərin) qəbulunu elan edir
Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyası 2022-ci il üçün dövlət mükafatlarına əsərlərin (işlərin) qəbulunu elan edir.
Müvafiq sənəd və materiallar Azərbaycan Respublikası Prezidentinin 2010-cu il 8 fevral tarixli 212 nömrəli Fərmanı ilə təsdiq edilmiş “Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının Əsasnaməsi”ndə göstərilən qaydalara uyğun hazırlanmalı və 2022-ci il aprelin 1-dək Komissiyaya təqdim edilməlidir.
İnstitutda 2021-ci il üzrə hesabat iclasları keçirilir
Azərbaycan Milli Elmlər Akademiyasının (AMEA) Radiasiya Problemləri İnstitutunda (RPİ) 2021-ci ildə aparılmış elmi-tədqiqat işlərinin yekunlarına dair laboratoriya və şöbələrin hesabat iclasları keçirilir.
Karantin qaydalarına əməl olunmaqla və müvafiq qrafik üzrə keçirilməsi nəzərdə tutulan iclasların birincisi bu gün baş tutub.
İclasda çıxış edən İnstitutun Baş direktoru, AMEA-nın müxbir üzvü, professor İslam Mustafayev iclas iştirakçılarını Gündəlikdəki cari məsələlərlə tanış edib.
İnstitutun gənc alimi “Elmdə Zəfər mükafatı – 2021” müsabiqəsinin qalibi olub
Azərbaycan Milli Elmlər Akademiyası (AMEA) Radiasiya Problemləri İnstitutunun böyük elmi işçisi Elçin Hüseynov “Elmdə Zəfər mükafatı – 2021” müsabiqəsinin qalibi olub. Belə ki, Azərbaycan Respublikasının Prezidenti yanında Elmin İnkişafı Fondu (EİF), Azərbaycan Milli Elmlər Akademiyası (AMEA) və İslam Dünyası Elm, Təhsil və Mədəniyyət Təşkilatının (ICESCO) Dünya Elm Günü və 8 Noyabr - Zəfər Günü ilə əlaqədar təşkil etdiyi “Elmdə Zəfər mükafatı-2021” müsabiqəsinin nəticələrinə əsasən “Thermal stability and heat flux investigation of neutron-irradiated nanocrystalline silicon carbide (3C–SiC) using DSC spectroscopy” elmi işinə görə Elçin Hüseynov I yerə layiq görülüb.