Xəbərlər

Məlum olduğu kimi, 14 iyul 2020-ci il tarixində Ermənistanın Azərbaycana qarşı təcavüzünə və hərbçilərimizin şəhid edilməsinə etiraz olaraq minlərlə vətəndaş Bakının mərkəzi küçələrilə irəliləyərək Şəhidlər Xiyabanına kütləvi şəkildə axın etmişdir. Vətənpərvərlik, ordumuza və dövlətimizə dəstək şüarları ilə müşayiət edilən yürüş qısa zamanda böyük bir izdihama çevrilmişdir. Vətəndaşlarımızın Ali Baş Komandana, ordumuza və dövlətimizə səmimi-qəlbdən bağlılığının, dəstəyinin əyani göstəricisi olan bu yürüş hər bir azərbaycanlıda ən ülvi vətənpərvərlik hisslərini oyatmış, böyük iftixar duyğuları doğurmuşdur.

Bakı. Trend:

Bir cəmiyyətdə birliyin daimiliyi üçün o cəmiyyətin öz güclü liderinə sonsuz inamı və həmrəy yanaşması vacibdir. Bu gün dünya ölkələri kimi Azərbaycan Respublikası da yeni növ koronavirusla (COVİD-19) mübarizə aparmaqdadır. Ölkə başçısı, möhtərəm cənab Prezident İlham Əliyev tərəfindən sözügedən virusa qarşı vaxtında görülmüş məqsədyönlü kompleks mübarizə tədbirləri ölkəmizdə irimiqyaslı təhlükələrin qarşısının alınmasında əvəzsiz rol oynayır, həmçinin virusun daha çox insana yayılma sürətini kəskin şəkildə azaldıb.

Azərbaycan Milli Elmlər Akademiyasının “Elm və həyat” elmi-populyar jurnalının 2020-ci il üzrə 1-2-ci nömrəsi nəşr olunub.

Jurnalın ilk səhifəsində “2020-ci il üçün Azərbaycan Respublikasının elm sahəsində Dövlət Mükafatının verilməsi haqqında” Azərbaycan Respublikası Prezidentinin 22 may 2020-ci il tarixli Sərəncamı təqdim olunub.

Yeni nömrədə AMEA-nın prezidenti, akademik Ramiz Mehdiyevin “Azərbaycanın inkişafını XXI əsrin çağırışlarına uyğunlaşdıran Lider”, AMEA-nın birinci vitse-prezidenti, akademik İsa Həbibbəylinin “Kasıblığın dirçəliş marşı. Nobel Sülh Mükafatı Laureatı, professor Məhəmməd Yunus və onun “Kasıbların bankiri” kitabı haqqında söz”, eləcə də AMEA-nın birinci vitse-prezidenti, akademik İbrahim Quliyev və AMEA-nın Geologiya və Geofizika İnstitutunun əməkdaşı Tariyel Hüseynovun həmmüəllifi olduqları “Bakı muldası sürüşmələri: araşdırmalar, nəticələr” adlı məqalələri nəşr olunub.

SARS-CoV-2 virusuna qarşı 300 insan anticisminin analizi alimləri virusa effektiv hücüm edən anticismlər tərəfindən tez-tez istifadə edilən genlərə diqqət yetirməyə yönəldib. Ekspertlər hesab edirlər ki, bu kəşf vaksinin hazırlanmasına imkan yarada bilər.

Məlumdur ki, koronavirus insan hüceyrələrinə zülal vasitəsilə daxil olur. ACE2 reseptoru isə virusun insan bədəninin hüceyrələrinə daxil olması üçün “qapı” rolunu oynayır.

Azərbaycan Respublikasının Prezidenti İlham Əliyevin Təhlükəsizlik Şurasının iclasındakı nitqi və bəyanatı müstəqil dövlətimizin ölkəmizin sərhədlərinin etibarlı şəkildə daim qorunacağına inamının və torpaqlarımızın azad ediləcəyinə dövlət səviyyəsində siyasi-hərbi təminatın konkret ifadəsidir. Ona görə də dövlət başçımızın bəyanatında ifadə olunan qətiyyətli mövqe Azərbaycan xalqının ölkəmizin rəhbərinə bəslədiyi sarsılmaz inama, möhkəm və etibarlı dəstəyə əsaslanır. Prezident İlham Əliyevin bəyanatı dünya ictimaiyyəti qarşısında Azərbaycan Respublikasının ölkələrin ərazi bütövlüyü prinsipinə davamlı və məsuliyyətli münasibətlərini növbəti dəfə aydın surətdə ifadə edir. Müstəqil Azərbaycan dövlətinin apardığı məqsədyönlü siyasət beynəlxalq hüquq normalarına və xalqımızın iradəsinə tamamilə cavab verir.

Məlum olduğu kimi, Azərbaycan Respublikası Müdafiə Nazirliyinin yaydığı məlumata əsasən 2020-ci ilin 12 iyul tarixində Ermənistan ordusunun bölmələri Azərbaycan-Ermənistan dövlət sərhədinin Tovuz rayonu istiqamətindəki mövqelərimizi ələ keçirmək məqsədilə təxribat həyata keçirməyə cəhd göstərmişlər. Ordumuzun gördüyü müvafiq tədbirlər nəticəsində ermənilər geri oturdulmuş, diversiyanın qarşısı qətiyyətlə alınmışdır. Təxribatın qarşısını alarkən hərbçilərimizdən qəhrəmancasına həlak olanlar və yaralananlar var. Azərbaycan Respublikasının Prezidenti cənab İlham Əliyevin bildirdiyi kimi, erməni təxribatına cavab olaraq ordumuz qisas əməliyyatı həyata keçirmiş və işğalçıya sarsıdıcı zərbə endirmişdir.

Alman həkimləri koronavirusa təkrar yoluxmanın mümkün olduğunu hesab edirlər. Bu haqda Almaniyanın Şvabinq klinikasının Yoluxucu xəstəliklər bölməsinin baş həkimi Klemens Vendtner məlumat verib.

poisknews.ru saytının məlumatına görə, müəyyən müddət öncə COVID19-a yoluxmuş xəstələrin qanında anticismlərin sayının azalması yenidən virusa yoluxma ehtimalının olduğunu göstərir.

İyulun 13-də Milli Məclisin Elm və təhsil komitəsinin növbəti onlayn iclası keçirilib.

Komitənin sədri, AMEA-nın müxbir üzvü Bəxtiyar Əliyev iclasın gündəliyinə “Azərbaycan Respublikası Milli Məclisinin 2020-ci ilin yaz və növbədənkənar sessiyaları dövründə Elm və təhsil komitəsində görülən işlər barədə hesabat” və cari məsələlərin daxil edildiyini bildirib.

Məlum olduğu kimi, 2020-ci ildə Azərbaycan Milli Elmlər Akademiyasının yaradılmasının 75 ili tamam olur. Bu dövr ərzində AMEA respublikada fundamental və tətbiqi elmin mərkəzinə çevrilərək, elmi-intellektual potensialın milli sərvət kimi formalaşdırılmasında, ölkəmizin iqtisadi, sosial və mədəni inkişafında, eləcə də elmin müxtəlif sahələri üzrə yüksəkixtisaslı kadrların hazırlanmasında mühüm rol oynayıb.

Azərbaycan Milli Elmlər Akademiyasının (AMEA) Radiasiya Problemləri İnstitutunun laboratoriya rəhbəri, AMEA-nın müxbir üzvü İslam Mustafayev Böyükşor gölündə ekoloji vəziyyətlə əlaqədar “Space” televiziyasına müsahibə verib.

Müsahibəsində hələ 15-17 il əvvəl Böyükşor gölündə müəllifi olduğu layihə əsasında akademik Məmməd Salmanov, coğrafiya üzrə elmlər doktoru Vaqif Məmmədov və fəlsəfə üzrə elmlər doktoru Sakit Hüseynovun iştirakı ilə sosial-ekoloji monitorinqin keçirildiyini bildirən İ.Mustafayev Bakıda Dünya Bankının dəstəyi ilə bu mövzuda Beynəlxalq konfrans keçirildiyini də qeyd edib.

Azərbaycan Milli Elmlər Akademiyasının (AMEA) Radiasiya Problemləri İnstitutunda 2019/2020-ci tədris ili üzrə magistrantların yay imtahan sessiyası başa çatıb.

Karantin rejiminin tələblərinə uyğun olaraq onlayn formatda təşkil edilən imtahanların sonuncusu bu gün "Radiasiya materialşünaslığı" ixtisası üzrə “Radiasiya qeydedici cihazların əsasları” fənnindən keçirilib.

AMEA-nın prezidenti, akademik Ramiz Mehdiyevin müvafiq sərəncamı ilə yaradılmış İxtisaslaşdırılmış müdafiə şuralarında magistrlik dissertasiyalarının müdafiələri onlayn şəkildə uğurla həyata keçirilib. Müvafiq ixtisaslar üzrə yaradılmış 18 İxtisaslaşdırılmış şurada 49 ixtisas üzrə 67 magistrant dissertasiya işini müdafiə edib.

Qlobal böhrana çevrilmiş COVID-19 pandemiya hadisəsi xalqları və ölkələri gözlənilməz bəlaya düçar edib. Prezident İlham Əliyevin həyata keçirdiyi düşünülmüş və məqsədyönlü siyasət xalqımızın bu ağır bəladan ən az itkilərlə çıxmasına şərait yaradıb. Eyni zamanda, dövlətimizin başçısının böyük səyləri nəticəsində ölkəmizdə bu çətin şəraitdə normal həyat ritmləri də təmin edilib. Prezident İlham Əliyevin pandemiya dövründə apardığı müdrik siyasət beynəlxalq aləmdə, dünya birliyində böyük əks-səda doğurub. Ölkəmizin Prezidenti koronavirusla mübarizə şəraitində dünya dövlətlərinin qarşılıqlı əməkdaşlığı və həmrəyliyi vasitəsilə qlobal böhrana qarşı birgə mübarizə aparmağın nümunəsini göstərir.

Azərbaycan Milli Elmlər Akademiyası (AMEA) Rəyasət Heyətinin mətbu orqanı olan “Elm” qəzetinin yeni nömrəsi çapdan çıxıb.

Qəzetin ilk səhifəsində “Ölkə Prezidenti İlham Əliyev: Avropa İttifaqı ilə əməkdaşlıq dövlətimizin xarici siyasətinin əsas prioritetlərindəndir” başlıqlı geniş material yer alıb.